478.55
+0.13
562.3
+0.63
8.1
+0.05
+22
Եղանակը Երևանում
Հայ
Հայաստանի սահմանադրական բարեփոխումների հանրաքվեին ժամը 11։00–ի դրությամբ մասնակցել է ընտրողների 7,84 տոկոսը. ԿԸՀ
12:29
06 Դեկտեմբերի 2015

ԵՐԵՎԱՆ, 6 դեկտեմբերի. /Նոովստի–Արմենիա/. Սահամանադրական բարեփոխումների համահանրապետական հանրաքվեին ժամը 11։00–ի դրությամբ քվեարկել է 201 259 ընտրող կամ ընդհանուր ընտրազանգվածի 7,84 տոկոսը, տեղեկացրեց ԿԸՀ փոխնախագահ Լաուրա Գալստյանը։

Կիրակի մեկնարկել է Սահմանադրական բարեփոխումների համահանրապետական հանրաքվեն։ Ժամը 08։00–ից երկրի ողջ տարածքում բացվել է 1997 ընտրատեղամաս։ Քվեարկությունը կավարտվի ժամը 20։00–ին։

«Երևանում ժամը 11։00–ի դրությամբ քվեարկել է 66 040 ընտրող, ինչը կազմում է քվեարկողների ընդհանուր թվի 7,81 տոկոսը», – ասաց նա լրագրողներին։

Գալստյանի խոսքով` Արագածոտնի մարզում քվեարկել է ընտրողների 7,15 տոկոսը (8249), Արարատում` 10,97 տոկոսը (23886), Արմավիրի մարզում` 9,9 տոկոսը (20863), Գեղարքունիքի մարզում` 7,48 տոկոսը (14050), Լոռիում` 5,5 տոկոսը (13135), Կոտայքում` 7,86 տոկոսը (18520), Շիրակի մարզում` 4,52 տոկոսը (10432), Սյունիքի մարզում` 12,2 տոկոսը (13160), Վայոց Ձորում` 8,6 տոկոսը (3802) և Տավուշի մարզում` 8,37 տոկոսը (9122)։

Դեկտեմբերի 5–ի տվյալներով` Ընտրողների ռեգիստրում ներառված է 2 մլն 550 հազար 323 մարդ։ Հանրաքվեին ներկայացված օրինագիծը համարվում է ընդունված, եթե նրա օգտին քվեարկել է հանրաքվեի մասնակիցների կեսից ավելին, սակայն ընտրացուցակներում ներառված քաղաքացիների մեկ քառորդից ոչ պակասը։

Հանրաքվեին հետևում է ավելի քան 3 հազար դիտորդ` տեղական 18 կազմակերպություններից։ Միջազգային վեց դիտորդական առաքելությունների թվում քվեարկության հետևում են ԱՊՀ Մոնիտորինգի հանձնաժողովի 44 դիտորդներ, ԱՊՀ ՄԽՎ–ի 23 դիտորդ, օտարերկրյա ԿԸՀ–ների 33 ներկայացուցիչ, ԵԽԽՎ–ի 11 դիտորդ, ԵԱՀԿ/ԺՀՄԻԳ–ի 5 դիտորդ, ինչպես նաև Հայաստանում հավատարմագրված դեսպանատների ներկայացուցիչներ։

Սահմանադրական բարեփոխումներով նախատեսվում է անցում կատարել խորհրդարանական իշխանավարման։

Նոր Սահմանադրության նախագծի համաձայն` Հայաստանի նախագահը, որի լիազորությունները զգալիորեն կկրճատվեն, ընտրվում է յոթ տարով (ներկա հինգի փոխարեն) ոչ թե համազզային քվեարկության, այլ խորհրդարանի միջոցով։ Միևնույն մարդը կարող է նախագահի պաշտոնում ընտրվել միայն մեկ անգամ։

Նախատեսվում է, որ առաջին փուլում պետության ղեկավարը պետք է ընտրվի պատգամավորների ձայների ¾–ով, իսկ եթե դա չհաջողվի, ապա նշաձողն իջեցվում է մինչև 3/5։ Եթե այս դեպքում ևս ընտրություններն արդյունքի չհանգեցրին, ապա նախագահը կընտրվի պատգամավորների ընդհանուր թվի մեծամասնությամբ։

Ըստ փաստաթղթի` գործադիր իշխանության բարձրագույն մարմինը կառավարությունն է, որը մշակում և իրականացնում է ներքին և արտաքին քաղաքականությունը` սեփական ծրագրի հիման վրա։ Կառավարությունը նաև ղեկավարում է պետական կառավարման համակարգը։

Նոր նախագծով նախագահը վարչապետի պաշտոնում նշանակում է խորհրդարանական ընտրություններում հաղթած կուսակցության կամ դաշինքի թեկնածուներից մեկին։–0–

Loading...
Թեմատիկ նյութեր
Բաժնի այլ նյութեր
19:33
22 Օգոստոսի 2017
Կապանում 9–ամյա երեխային վրաերթի ենթարկած վարորդը կալանավորվել է
Վրաերթի հետևանքով երեխան մահացել է։
18:36
22 Օգոստոսի 2017
Որսը կարգելվի «Խոսրովի անտառ» պետական արգելոցին հարող որսահանդակներում
Խոսրովի արգելոցում բռնկված հրդեհի պատճառով վայրի որոշ կենդանիներ և թռչուններ տեղափոխվել են հարակից անվտանգ շրջաններ:
17:17
22 Օգոստոսի 2017
Բրիտանացի հայտնի սոմելյեն գալիս է հայկական գինիների հետևից
Այս տարի Գիմբլետը Հայաստան կայցելի իր համաշխարհային շրջագայության շրջանակում։
16:33
22 Օգոստոսի 2017
Ոստիկանությունը «մերկացրել» է Միհրան Հարությունյանին իրեն ծեծելու մեջ մեղադրող մոդելի սուտը
Իրավապահները հրաժարվել են քրեական գործ հարուցել Միհրան Հարությունյանի դեմ:
14:46
22 Օգոստոսի 2017
Հայաստանի և Ռուսաստանի նախագահները կքննարկեն ղարաբաղյան կարգավորման հարցեր
Հայաստանի նախագահ Սերժ Սարգսյանն օգոստոսի 23-ին աշխատանքային այցով կմեկնի Սոչի։
13:37
22 Օգոստոսի 2017
25 հազար դրամ` նպաստառու ընտանիքների 1-ին դասարան հաճախող երեխաներին
Նպաստառու ընտանիքների 1-ին դասարան հաճախող երեխաներին կտրվի դրամական օգնություն։
12:13
22 Օգոստոսի 2017
Երթևեկության կազմակերպման փոփոխություն կկատարվեն Երևանի գերբեռնված 2 խաչմերուկներում
Հնարավոր խցանումներից խուսափելու նպատակով երթևեկության փոփոխություններ կկատարվեն մայրաքաղաքի որոշ փողոցներում։
10:39
22 Օգոստոսի 2017
Հայաստանում առաջիկա օրերին կզովանա
Օգոստոսի 22–ից 26–ը հանրապետության տարածքում հրդեհավտանգ իրավիճակ է դիտվելու։
14:40
21 Օգոստոսի 2017
26–ամյա զինծառայողը մահացու վիրավորում է ստացել իրեն ամրակցված ինքնաձիգից. ՔԿ
Զինծառայողի դին հայտնաբերվել է օգոստոսի 20-ին:
14:25
21 Օգոստոսի 2017
ՎՏԲ–Հայաստան Բանկը գործարկում է շահավետ պայմաններով վարկեր` անշարժ գույքի գրավադրմամբ
ՎՏԲ-Հայաստան Բանկն առաջարկում է ձևակերպել վարկի հարմարավետ և պրակտիկ տարբերակ՝ ունեցած անշարժ գույքի գրավով։
13:33
21 Օգոստոսի 2017
ՀՀ ՊՆ–ն ներկայացրել է զինծառայողի մահվան մանրամասները
Հայաստանում նախօրեին սպա է մահացել։
13:21
21 Օգոստոսի 2017
Հայաստանը ներառվել է «ամենավթարային» երկրների եռյակում մահվան ելքով ՃՏՊ–ների թվով
Հայաստանն աշխարհում երրորդ տեղն է զբաղեցրել ՃՏՊ–ների հետևանքով մահացության թվով։