ՀՔԾ–ն միջնորդություն է ներկայացրել դատարան Քոչարյանի կալանքի ժամկետը երկարացնելու համար

ԵՐԵՎԱՆ, 11 հունվարի./Նովոստի–Արմենիա/. ՀՀ հատուկ քննչական ծառայությունը միջնորդություն է ներկայացրել Երևանի ընդհանուր իրավասության դատարան ՀՀ նախկին նախագահ Ռոբերտ Քոչարյանի կալանքը 2 ամսով երկարացնելու համար։ Այս մասին «Նովոստի–Արմենիա» գործակալությանը հաղորդեց ՀՔԾ մամուլի քարտուղար Մարինա Օհանջանյանը։

Հիշեցնենք, որ Ռոբերտ Քոչարյանը մեղադրվում է մի խումբ անձանց հետ նախնական պայմանավորվածությամբ սահմանադրական կարգը տապալելու համար։ Վերաքննիչ դատարանն օգոստոսի 13–ին բավարարեց Քոչարյանի փաստաբանների` կալանքի փաստը բողոքարկելու միջնորդությունը։ Միջնորդությունը բավարարվեց` հաշվի առնելով նախկին նախագահի անձեռնմխելիությունը։ Քոչարյանն ազատ արձակվեց դատարանի դահլիճից։ Սակայն դեկտեմբերի 7–ին Վերաքննիչ դատարանի նիստի արդյունքում նա կրկին կալանավորվեց։–0–