539.06
7.43
478.4
+21
Եղանակը Երևանում
Հայ

ՀՀ առողջապահության նախարարը ներողություն է խնդրել սոցցանցերում արած արտահայտությունների համար

14:56
14 Մայիսի 2018

ԵՐԵՎԱՆ, 14 մայիսի. /Նովոստի Արմենիա/. ՀՀ առողջապահության նորանշանակ նախարար Արսեն Թորոսյանը ներողություն է խնդրել սոցցանցերում արած հայտարարությունների համար, որոնք, ըստ նրա, ճիշտ չեն ընկալվել:

Առողջապահության նորանշանակ նախարար Արսեն Թորոսյանի ֆեյսբուքյան էջի գրառումները և տարբեր հարթակներում հնչեցրած հայտարարությունները տարաբնույթ մեկնաբանությունների առիթ են դարձել: Սոցցանցերի որոշ օգտատերեր կոչ են արել վարչապետ Նիկոլ Փաշինյանին փոխարինել նման անցանկալի և երկիմաստ նախարարին` նշելով, որ այս պահանջով շատերը կրկին պատրաստ են դուրս գալ փողոց:

Այդ իսկ պատճառով ՀՀ առողջապահության նախարարությունը ստիպված է եղել հանդես գալ պարզաբանումներով:

«Լինելով ակտիվ սոցիալական ցանցերում և անտարբեր չլինելով առողջապահական ոլորտում իրականացվող ծրագրերին՝ Արսեն Թորոսյանը մշապես իր դիրքորոշումն ու մտահոգություններն է հայտնել: Սակայն վերջին օրերին որոշ արտահայտություններ, համացանցում ներկայացվելով համատեքստից դուրս, թյուրըմբռման տեղիք են տվել», - նշվում է տարածած հաղորդագրությունում:

Загружается новость ... "Лево"

Թորոսյանը սոցցանցերում հայտնի է որպես ակտիվ օգտատեր, ով կանոնավոր կերպով գրառումներ է անում առողջապահական հարցերի թեմայով, մասնակցում է բանավեճային ակումբներում։

Իր էջում տեղադրված որոշ հրապարակումների քննադատություններից հետո նա սահմանափակել է Facebook-յան իր էջի հասանելիությունը: Սոցցանցերում նա մեկ անգամ չէ, որ հանդես է եկել զանգվածային կանխարգելիչ պատվաստումների իրականացման օգտին, ծխախոտի դեմ պայքարի ու պարտադիր ապահովագրության ներդրման կողմնակից է: Նա Facebook-ի «Ես աթեիստ եմ» խմբի մասնակից է, ակտիվորեն մասնակցում է atheist.am-ի կայքի հրապարակումներին:

Նախօրեին Թորոսյանը տեսաուղերձ է հղել սոցցանցերի օգտատերերին, որտեղ պարզաբանել է իր սուր արտահայտությունները։ Նա, մասնավորապես, նշել է, որ որոշ օգտատերերին պատասխանել է թեթև սարկազմով և մեջբերում է արել հայտնի ֆիլմից («Doctor house») «փոքր դագաղների մասին» («փոքր դագաղների պատրաստումը շատ եկամտաբեր գործ է», խմբգր.), որը նշանակում է, որ նա դեմ է մանկական մահացությանը։ Թորոսյանը նաև նշել է, որ իր մեջբերումը հանվել է կոնտեքստից` ընդգծելով, որ մարդկային, այդ թվում` մանկական կյանքեր փրկելու համար հարկավոր է օգտագործել գիտության կողմից տրամադրվող ողջ զինանոցը` պատվաստանյութեր, հակաբիոտիկներ, ժամանակակից սարքավորումներ։

Պատասխանելով այն քննադատությանը, թե նա հաճախ մեկնաբանում և արտահայտում է սեփական կարծիքը սոցցանցերում` նախարարը նշել է, որ «տպավորություն է, որ մարդիկ ակնկալում են մի նախարարի, ով ամորֆ է, ոչ մի բանի մասին  կարծիք չունի,  այնքան զգույշ է պատասխանում այդ հարցերին, որ հանկարծ իրեն ոչ ոք չքննադատի»։

Նա նաև կարևորել է պատվաստումների իրականացումն`ընդգծելով, որ «դա ոչ միայն անձնական, այլև կոլեկտիվ պաշտպանության միջոց է»։ Ինչ վերաբերում է Գարդասիլով պատվաստումներին, ապա, չնայած ծրագիրն առաջարկվել է նախորդ կառավարության կողմից, Թորոսյանն այն անհրաժեշտ է համարում և կոչ է անում դրանում չտեսնել որևէ քաղաքական ենթատեքստ։

Առողջապահության նախարարության մամուլի ծառայությունից ընդգծել են, որ առողջպահության նախարարը ներողություն է խնդրում այն արտահայտությունների համար, որոնք սխալ են ընկալվել. հնչեցրած գնահատականներն ուղղված են եղել հիվանդությունների կանխարգելմանն ու կյանքեր փրկելուն, իսկ խիստ պատասխաններն ու սուր օրինակները, իրավիճակից ելնելով, միայն սթափեցնելու միտում են ունեցել:

Արսեն Թորոսյանը ծնվել է 1982 թ.–ի հունիսի 21–ին Երևանում։ 2004 թ.–ին ավարտել է Երևանի պետական բժշկական համալսարանի բուժական ֆակուլտետը` բուժական գործ մասնագիտությամբ։ 2006 թ.–ին ավարտել է ՀՀ ԱՆ Առողջապահության ազգային ինստիտուտը` սոցիալական հիգիենա և առողջապահության կազմակերպում մասնագիտությամբ, որտեղ էլ 2006-2009թթ. ուսումը շարունակել է ասպիրանտուրայում` հանրային առողջություն և առողջապահության կազմակերպում մասնագիտությամբ:

2004-2005թթ. ղեկավարել է «Իրական աշխարհ, իրական մարդիկ» հասարակական կազմակերպությունը։ 2005-2010թթ. եղել է Առողջության առաջնային պահպանման բարեփոխումների ծրագրի Ընտանեկան բժշկության և բուժօգնության որակի համակարգող։ 2010-2011թթ. հանդիսացել է ՀՀ ԱՆ տուբերկուլոզի դեմ պայքարի ազգային կենտրոնի Մոնիտորինգի և գնահատման բաժնի վարիչ և տնօրենի պաշտոնակատար:–0–

Թեմատիկ նյութեր
Բաժնի այլ նյութեր
22:37
14 Հունիսի 2019
Տիգրան Ուրիխանյանը վայր է դնում մանդատը
Տիգրան Ուրիխանյանը վայր է դնում մանդատը։
21:20
14 Հունիսի 2019
Աղետի գոտում դեռևս լուծված չեն 557 ընտանիքի բնակարանային խնդիրները. ի՞նչ է արվելու 2019թ.–ին
Նիկոլ Փաշինյանի մոտ տեղի է ունեցել խորհրդակցություն, որի ընթացքում ներկայացվել է աղետի գոտում իրականացված հաշվառման աշխատանքների ընթացքը:
20:09
14 Հունիսի 2019
ՀՀ–ում ո՞ր պաղպաղակն է պարունակում կաթնայուղ և կաթնայուղի փոխարինիչ. կարգավորիչը նշել է արտադրողներին
ՀՀ–ում ո՞ր պաղպաղակն է պարունակում կաթնայուղ և կաթնայուղի փոխարինիչ. կարգավորիչը նշել է արտադրողներին:
19:39
14 Հունիսի 2019
Հայաստանում կասեցվել է մի շարք դեղերի գրանցումը
Հայաստանում կասեցվել է մի շարք դեղերի գրանցումը:
18:44
14 Հունիսի 2019
List.am–ով աղվեսի ձագեր են վաճառել. ոստիկանությունը պարզաբանել է իրավիճակը
List.am–ով աղվեսի ձագեր են վաճառել. ոստիկանությունը պարզաբանել է իրավիճակը:
18:34
14 Հունիսի 2019
Սփյուռքի հետ վարվող քաղաքականությունը պետք է դարձնենք ավելի արդյունավետ. վարչապետն ընդունել է Զարեհ Սինանյանին (ՎԻԴԵՈ)
Նիկոլ Փաշինյանն ընդունել է Սփյուռքի գործերի գլխավոր նորանշանակ հանձնակատար Զարեհ Սինանյանին:
17:19
14 Հունիսի 2019
ՎՏԲ-Հայաստան Բանկը բացել է թվով 23 24/7 ֆորմատի ինքնասպասարկման գոտիներ
ՎՏԲ-Հայաստան Բանկը հոգալով իր հաճախորդների հարմարավետության մասին Երևանում և Հայաստանի մարզերում:
16:52
14 Հունիսի 2019
Սերգեյ Մեղրյանը հրաժարականի դիմում է ներկայացնել ԲԴԽ անդամի պաշտոնից
Սերգեյ Մեղրյանը հրաժարականի դիմում է ներկայացնել Բարձրագույն դատական խորհրդի անդամի պաշտոնից:
11:54
14 Հունիսի 2019
Զարեհ Սինանյանը նշանակվել է Սփյուռքի գործերի գլխավոր հանձնակատար
Զարեհ Սինանյանը Գլենդելի քաղաքային խորհրդի հինգ անդամներից մեկն էր։
10:23
14 Հունիսի 2019
Երևանում օդի ջերմաստիճանը կբարձրանա
Հայհիդրոմետկենտրոնը ներկայացրել է Հայաստանի առաջիկա օրերի եղանակի կանխատեսումը։
08:00
14 Հունիսի 2019
Հինգշաբթի` հունիսի 13–ի առավել ուշագրավ նորությունները
«Նովոստի–Արմենիա» գործակալությունը ներկայացնում է հինգշաբթի` հունիսի 13–ի առավել ուշագրավ նորությունների իր տարբերակը։
00:21
14 Հունիսի 2019
Երևանի կենտրոնում բացվել է Տիմատիի ռեստորանային ցանցում ներառված Black Star Burger–ը (ՖՈՏՈ, ՎԻԴԵՈ)
Երևանի կենտրոնում բացվել է Տիմատիի ռեստորանային ցանցում ներառված Black Star Burger–ը: