Գյումրին այս տարի կդառնա ՀՀ անկախության տոնակատարությունների Էպիկենտրոնը (ՖՈՏՈ)

ԵՐԵՎԱՆ, 9 մայիսի. /Նովոստի-Արմենիա/. ՀՀ վարչապետի աշխատակազմի ղեկավար Էդուարդ Աղաջանյանը Facebook-ի իր էջում հայտնել է, թե ինչպես է այսուհետ նշվելու Հայաստանի անկախության օրը:

«Ուրախ եմ տեղեկացնել, որ 2019-ի Սեպտեմբերի 21-ին ՀՀ Անկախության 28-ամյակին նվիրված համապետական տոնակատարությունների Էպիկենտրոնը լինելու է Շիրակի մարզում, մանավորապես՝ ՀՀ մշակութային մայրաքաղաք՝ Գյումրիում: Այսուհետ ամեն տարի այդ օրվա միջոցառումների զգալի մասը կենտրոնանալու է ՀՀ տասը մարզերից որևէ մեկում», - գրել է նա: 

Նա նաև կոչ է արել խթանել համաչափ զարգացումն ու ներքին զբոսաշրջությունը:-0-