ԵՐԵՎԱՆ, 1 հունիսի. /Նովոստի–Արմենիա/. ՀՀ առողջապահության նախարար Լևոն Ալթունյանը Հանրային հեռուստաընկերությանը տված եթերում հայտարարել է, որ մեծ տուգանքներ են նախատեսվում արգելքը խախտողների համար։
Նախարարը նշել է, որ ծխախոտը սահմանափակող օրենսդրական ակտեր կան, տուգանքներն իրավաբանորեն ձևակերպված են։
«Բայց չէի ասի, որ այդ ակտերը լայնորեն կիրառվում են», – ընդգծել է Ալթունյանը։
Միաժամանակ նա որոշակի փակագծեր է բացել ծխախոտի դեմ պայքարի շրջանակում ձեռնարկվելիք քայլերի մասին։
Ալթունյանը մասնավորապես նշել է, որ ծխելու դեմ պայքարի ծրագիրը մշակվել է 2–3 տարի առաջ, վերջերս այն վերամշակվել է և նախորդ շաբաթվա ընթացքում ներկայացվել կառավարությանը։
Загружается новость ... "Лево"
«Ծրագիրը բաղկացած է մի քանի մասից, հիմնական միջոցառումները նախատեսված են օրենսդրական մասում։ Օրենսդրորեն ծրագիրը նախատեսում է ծխելու միանշանակ և համապարփակ արգելք հասարակական վայրերում», – նշել է նախարարն ու ավելացրել, որ կիրառվելու են նաև պատժի միջոցներ։
«Արգելքը խախտելու համար առաջարկվում է տուգանք 10 հազար դոլարին համարժեք դրամի չափով», – ընդգծել է նախարարն ու հավելել, որ տուգանքը վերաբերելու է հասարակական վայրի սեփականատիրոջը։
Նրա խոսքով, միայն մեծ տուգանքներով կարելի է վերացնել երևույթը, հակառակ դեպքում դա ուղղակի բյուջեն լցնելու աղբյուր կդառնա։
Պատասխանելով այն հարցին, թե, արդյո՞ք, երբևէ ծխելը` նախարարն անկեղծ դրական պատասխան է տվել` նշելով, որ հիմա չի ծխում։ «Ծխախոտ օգտագործել եմ, բայց ամեն ինչ ունի իր ժամկետները», – ավելացրել է նախարարը։
Հիշեցնենք, որ նախօրեին կազմակերպված ասուլիսի ժամանակ առողջապահության նախարար Լևոն Ալթունյանը հայտարարել է, որ Հայաստանում կարգելվի ծխել հասարակական վայրերում։–0–
