Ուստարին ՀՊՏՀ–ում մեկնարկեց դասադուլով. Նախարարությունը չի միջամտի (ՖՈՏՈ, ՎԻԴԵՈ)
17:28
02 Սեպտեմբերի 2019
ԵՐԵՎԱՆ, 2 սեպտեմբերի./Նովոստի–Արմենիա/. Հայաստանի պետական տնտեսագիտական համալսարանի ուսանողները երկուշաբթի դասադուլ են անցկացրել` կրթական ոլորտում կառուցակարգային բարեփոխումներ իրականացնելու պահանջով։ Մի քանի ժամով փակելով բուհի մուտքը` ակցիայի մասնակիցները «Բարեփոխումներ» պաստառներով և վանկարկումով շարժվել են դեպի Կրթության, գիտության, մշակույթի և սպորտի նախարարության շենք։
Ուսանողները վճռական են դասադուլը շարունակելու հարցում և պահանջում են իշխանությունների անհապաղ քայլեր։
«Նովոստի–Արմենիա» գործակալությունը փորձել է պարզել իրավիճակը։
Նախաձեռնող խմբի հայտարարությունը
Մի քանի տասնյակ ուսանողների դասադուլը կազմակերպել է «Հանուն որակյալ կրթության» ֆեյսբուքյան խումբը։ Առիթը ՀՊՏՀ–ի ռեկտորի պաշտոնակատար Ռուբեն Հայրապետյանի հրաժարականն էր, ում ակցիայի մասնակիցները համարում են մոլի ռեֆորմիստ և կրթական համակարգի բարեփոխման գաղափարի հետևորդ։
Նախօրեին` սեպտեմբերի 1–ին, նախաձեռնող խումբը սոցցանցերում հայտարարություն է տարածել, որում նշել էր դասադուլի պատճառները, ինչպես նաև համալսարանի և նախարարության ղեկավարությանն առաջադրած պահանջները։
Ակտիվիստներն իրենց հայտարարություններում նշում են, որ իրենց բողոքի նպատակը ոչ թե ռեկտորի նախկին պաշտոնակատարին պաշտպանելն է, այլ դասավանդման որակը, որի համար մեծ գումարներ են վճարվում (տարեկան ուսման վճարը կազմում է մոտ 1275 դոլար)։
Ռեկտորի պաշտոնակատարի հրաժարականի պատճառը
Հայաստանի պետական տնտեսագիտական համալսարանի նախկին ռեկտոր Կորյուն Աթոյանը հեռացել է պաշտոնից սեփական դիմումի համաձայն 2018 թվականի դեկտեմբերին։ 2018 թվականի արդեն դեկտեմբերի 20–ին ժամանակավոր պաշտոնակատար է նշանակվել «Իմ քայլը» դաշինքից Երևանի ավագանու անդամ, ամենաերիտասարդ պրոֆեսոր Ռուբեն Հայրապետյանը։
Արդեն մի քանի ամիս անց բուհում նրա գործունեությունից սկսել են դժգոհել` նկատելով կամ արմատական փոփոխությունների, կամ կադրային զտումների փորձեր։ Ավելի ուշ հայտնի է դարձել, որ նրա դոկտորական թեզում գրագողության տարրեր կան։
Հայրապետյանի փեզի թեման քննարկվել է դասախոսների կողմից, որոնք վերջեչս անցկացված մրցույթի արդյունքում կորցրել են աշխատանքը կամ առհասարակ չեն մասնակցել մրցույթին։ Նրանք պնդում են, որ մրցույթն անօրինական էր, և արդեն դատարան են դիմել։
Հայրապետյանը խոստովանում է, որ դոկտորականի տեսական հատվածում բացակայել են հղումները, բայց գրագողության մեղադրանքները չի ընդունում։
Օրենքի գերակայությունը հանգամանքներից կարևոր է
Ծավալվող սկանդալի ֆոնին կրթության, գիտության, մշակույթի և սպորտի նախարար Արայիկ Հարությունյանը հանդիպել է Ռուբեն Հայրապետյանի հետ և համոզել նրան լքել պաշտոնը։ Նրա խոսքով, Հայրապետյանի մասամբ ընդունել է իր «մեղքը» և համաձայնել դոկտորական թեզի վերաբերյալ որոշ փաստարկների հետ։
«Կարծում եմ, որ այդ քայլը հերթական անգամ պետք է ապացուցի մեր քաղաքացիներին, որ օրենքի գերակայությունը և արժեհամակարգը մեզ համար ավելի կարևոր է, քան այլ հանգամանքներ, լինեն դրանք պրոֆեսիոնալ հմտությունները, որոնցով օժտված է Հայրապետյանը, քաղաքակամ հայացքները, անձնական հարաբերությունները կամ աշխատանքային նշանակալի ձեռքբերումները»,– գրել է նախարարն իր Ֆեկսբուքում։
Նոր նշանակումը և դժգոհության ալիքը
Օգոստոսի 22–ին Հարությունյանի հրամանով բուհի ռեկտորի ժամանակավոր պաշտոնակատար է նշանակվել տնտեսական գիտությունների դոկտոր, պրոֆեսոր Դիանա Գալոյանը։ Նշանակումը դժգոհության նոր ալիք է բարձրացրել, քանի որ նրան կապում են բուհի պահպանողական դասախոսական կազմի հետ։
ՀՊՏՀ նախկին պրոռեկտոր Տիգրան Մնացականյանն այդ կապակցությամբ իր Ֆեկսբուքում գրել է, որ համալսարանը վերադարձել է «ակադեմիական ֆեոդալիզմի»։
Դժգոհության ֆոնին Գալոյանի աշխատանքներում նույնպես գրագողություն է հայտնաբեվել։
Նախարարության դիրքորոշումը
«Նախարարությունը չի միջամտելու բուհի ներքին հարցերին։ Մենք նախընտրում ենք միջամտել օրենքով նախատեսված ծայրահեղ դեպքերում»,– «Նովոստի–Արմենիա» գործակալությանը հայտնեցին գերատեսչությունից։
Նշեցին, որ չեն խոչընդոտելու ոչ մի թեկնածուի ռեկտորի ընտրություններում, որոնք կանցկացվեն ՀՊՏՀ Հոգաբարձուների խորհրդի ժողովում։
Բուհի մասին
Հայաստանի պետական տնտեսագիտական համալսարանը որպես ինքնուրույն միավոր հիմնադրվել է 1975 թ.-ի օգոստոսի 6-ին և տեղակայվել՝ Աբովյան 52 հասցեում։ ԲՈՒՀ-ի անվանումը սկզբում եղել է Երևանի ժողովրդական տնտեսության ինստիտուտ, ապա Երևանի պետական տնտեսագիտական համալսարան։ 2006 թվականին այն վերանվանվեց «Հայաստանի պետական տնտեսագիտական համալսարան» պետական ոչ առևտրային կազմակերպություն։ 1995 թվականից ԲՈՒՀ-ը տեղափոխվեց Նալբանդյան 128 հասցե։ ՀՊՏՀ-ի կազմում կա 6 ֆակուլտետ, որոնցից 5-ը գտնվում են Նալբանդյան 128 հասցեում, իսկ ինֆորմատիկայի և վիճակագրության ֆակուլտետը գտնվում է Զեյթուն թաղամասում։ ՀՊՏՀ-ի կազմում գործում է 25 ամբիոն։ ՀՊՏՀ-ն մասնաճյուղեր ունի Գյումրիում և Եղեգնաձորում։ -0-
Կրկնօրինակու՞մ, թե՞ ոգեշնչում. նամականիշերի եվրոպական մրցույթին ՀՀ–ից ներկայացված նամականիշի հեղինակները մեկնաբանել են գրագողության կասկածի հետ կապված սկանդալը
Թշնամու նշանառության տակ. ինչպե՞ս են ապրում տավուշցիներն Ադրբեջանի կողմից օկուպացիայի սպառնալիքի ներքո. «Նովոստի–Արմենիա»–ի ռեպորտաժը սահմանամերձ Տավուշից.ՖՈՏՈ, ՎԻԴԵՈ