ՀՀ վարչապետը Երևան է հրավիրել իր լիբանանցի գործընկերոջը
![ՀՀ վարչապետը Երևան է հրավիրել իր լիբանանցի գործընկերոջը ՀՀ վարչապետը Երևան է հրավիրել իր լիբանանցի գործընկերոջը](/upload/iblock/906/vl97584qai0tqx83c6rd5sh4aeta6dq0.jpg)
ՀՀ վարչապետ Տիգրան Սարգսյանն իր լիբանանցի գործընկեր Նաջիբ Միքաթին հրավիրել է պաշտոնական այցով Երևան այցելել, հաղորդում է հայկական ԱԳՆ մամուլի ծառայությունը։
Դեսպան Քոչարյանը Լիբանանի վարչապետին է փոխանցել ՀՀ վարչապետ Տիգրան Սարգսյանի շնորհավորական նամակը և Հայաստան այցելելու պաշտոնական հրավերը:
Դեսպանը վարչապետ Միքաթիին ՀՀ կառավարության անունից շնորհավորել է բարձր և պատասխանատու պաշտոնը ստանձնելու և Լիբանանի նոր կառավարության կողմից խորհրդարանում վստահության քվե ստանալու կապակցությամբ:
Հանդիպման ընթացքում քննարկվել են հայ-լիբանանյան երկկողմ բարեկամական հարաբերություններին առնչվող խնդիրներ:
Երկուստեք կարևորվել է բարձր մակարդակի փոխայցելությունների իրականացման, միջկառավարական հանձնաժողովի հերթական նիստի, գործարար համաժողովների անցկացման, առևտրատնտեսական հարաբերությունների խորացման և ընդլայնման, ինչպես նաև իրավապայմանագրային դաշտի թարմացման անհրաժեշտությունը:
Կարևորվել է հայ համայնքի դերակատարությունը երկրի քաղաքական, սոցիալտնտեսական և մշակութային կյանքում: Անդրադարձ է կատարվել նաև տարածաշրջանային խնդիրներին: -0-