Հայաստանյան ընկերություններն ապրիլին կկարողանան մասնակցել Ֆլորենցիայի միջազգային ցուցահանդեսին
![Հայաստանյան ընկերություններն ապրիլին կկարողանան մասնակցել Ֆլորենցիայի միջազգային ցուցահանդեսին Հայաստանյան ընկերություններն ապրիլին կկարողանան մասնակցել Ֆլորենցիայի միջազգային ցուցահանդեսին](/upload/iblock/8ce/kkwj5ort6k3joczuqyxw6zsug43tuyws.jpg)
ԵՐԵՎԱՆ, 14 դեկտեմբերի. /Նովոստի-Արմենիա/. Հայաստանյան ընկերությունները կկարողանան մասնակցել Mostra Internazionale dell’ Artigianato 2012 76-րդ միջազգային ցուցահանդեսին, որը կանցկացվի ապրիլի 21-29-ը Ֆլորենցիայում, հայտնում է ֆլորենտական Ֆիրենցե Ֆիերա կենտրոնի գործընկեր «Էկո-կենտրոն» հայկական ցուցահանդեսային ընկերությունը:
Հաղորդագրության համաձայն` ցուցահանդեսին կարող են մասնակցել հետևյալ ոլորտների կազմակերպությունները՝ արվեստ և դիզայն, հագուստ-հագուստի աքսեսուարներ, կահույք-կահույքի պարագաներ, նվերներ, թուղթ և տպագրություն, ոսկեգործություն, խնամքի միջոցներ, ավանդական ճաշատեսակներ և կոլեկցիոն գինիներ (միայն փաթեթավորված), արհեստներ, ձեռքի էթնիկ աշխատանքներ:
Ֆիրենցե Ֆիերա ցուցահանդեսային կենտրոնն աշխատում է միջազգային ցուցահանդեսների կազմակերպման ոլորտում 1931 թվականից:
Mostra Internazionale dell’ Artigianato ցուցահանդեսում ներկայացված են բոլոր հինգ մայրցամաքների մասնակիցները: Ցուցահանդեսը կանցկացվի Մեդիչիների հնագույն ամրոցում, ինչը առանձնահատուկ փայլ կհաղորդի այդ միջազգային իրադարձությանը: -*0-