Հայ ժամանակակից երիտասարդությունը «մոդայիկ» մասնագիտություններ է նախընտրում. փոխնախարար
![Հայ ժամանակակից երիտասարդությունը «մոդայիկ» մասնագիտություններ է նախընտրում. փոխնախարար Հայ ժամանակակից երիտասարդությունը «մոդայիկ» մասնագիտություններ է նախընտրում. փոխնախարար](/upload/iblock/d56/b5xv4jr1j8c32unkp8y9fr4n3a3d3wug.jpg)
Հայ ժամանակակից երիտասարդությունը «մոդայիկ» մասնագիտություններ է նախընտրում, որոնք պահաջարկ չունեն աշխատաշուկայում, հայտնեց Հայաստանի սպորտի և երիտասարդության հարցերի փոխնախարար Արսեն Քարամյանը:
«Մեր կրթության ոլորտում խախտվել է առաջարկի և պահանջարկի հարաբերակցությունը... Մեզանում ընդունված են մի շարք «մոդայիկ» մասնագիտություններ, մասնավորապես, տնտեսագիտությունը և իրավաբանությունը, այսինքն, մասնագիտություններ, որոնք մեր հասարակության հոգեկերտվածքի համաձայն, պետք է որոշակի եկամուտ ապահովեն ուսման ավարտից հետո»,- հինգշաբթի ասաց Քարամյանը «Նովոստի» միջազգային մամուլի կենտրոնում:
Ըստ նրա, եկել է ժամանակը հասկանալու, որ բարձրագույն կրթություն ստանալը հանուն դիպլոմի բոլորովին աշխատանք ստանալու երաշխիք լինել չի կարող:
«Ցավոք, մեզ մոտ անմխիթար վիճակում է միջին մասնագիտական կրթության ոլորտը, չկան կռունկավարներ և եռակցողներ, այդ մասնագիտությունները սովորում է երիտասարդության չնչին տոկոսը»,- ափսոսանքով նկատեց փոխնախարարը:
Մինչդեռ, նրա խոսքով, միջին մասնագիտական մասնագիտությունների ներկայացուցիչների աշխատավարձը բավականին բարձր է և նրանց արժանավայել կյանքի հնարավորություն է տալիս:
Ըստ նրա՝ շուկայական տնտեսությունը ժամանակի հետ ցույց կտա, որ ոչ բավարար գիտելիքներ ունեցող շրջանավարտները չեն կարողանա իրենց գտնել կյանքում, այդ իսկ պատճառով պետք չէ «ընկնել» բարձրագույն կրթություն ստանալու հետևից: -0-