Հայաստանում նախատեսվում է զգուշորեն ներդնել բակալավրիատի ցենզ մանկավարժական կրթության ոլորտում. նախարար
![Հայաստանում նախատեսվում է զգուշորեն ներդնել բակալավրիատի ցենզ մանկավարժական կրթության ոլորտում. նախարար Հայաստանում նախատեսվում է զգուշորեն ներդնել բակալավրիատի ցենզ մանկավարժական կրթության ոլորտում. նախարար](/upload/iblock/a2f/vs8ci0k9ad8kywyrswlaelfyoofawxm1.jpg)
Հայաստանում նախատեսվում է զգույշ քայլերով բակալավրիատի ցենզ ներդնել մանկավարժական կրթության ոլորտում, երկուշաբթի լրագրողներին ասաց ՀՀ ԿԳ նախարար Արմեն Աշոտյանը:
«Աշխարհը վաղուց հրաժարվել է միջին մասնագիտական կրթությունից մանկավարժության ոլորտում, իսկ մեզ մոտ դեռևս գործում է խորհրդային ժամանակներից ժառանգած մոդելը», - ասաց Աշոտյանը:
Նրա խոսքերով՝ այսօր Հայաստանի դպրոցներում աշխատում է շուրջ հինգ հազար ուսուցիչ, ովքեր ժամանակին միջին մասնագիտական կրթություն են ստացել:
Նախարարն ընդգծեց, որ նախատեսվում է ներդնել և օրենսդրորեն ամրագրել մանկավարժական կրթության որակավորման ցենզը՝ բակալավրը՝ դպրոցում աշխատող և քոլեջներում սովորող ուսանողների իրավունքների և շահերի խիստ պահպանմամբ:
Մասնավորապես, միջին մասնագիտական ուսումնական հաստատությունների՝ արդեն աշխատող շրջանավարտները հնարավորություն կունենան անցնել վերապատրաստում և բարձրացնել իրենց որակավորումը:
Նախարարը կարծում է, որ նման քայլերն անհրաժեշտ են՝ կրթության որակը բարձրացնելու համար:-0-