Լեգենդար С-300 համակարգերը ցուցադրվեցին Երևանի զորահանդեսին
![Լեգենդար С-300 համակարգերը ցուցադրվեցին Երևանի զորահանդեսին Լեգենդար С-300 համակարգերը ցուցադրվեցին Երևանի զորահանդեսին](/upload/iblock/ebf/f5kl98332qsxuk49f6pf29fhyn0l76lx.jpg)
ԵՐԵՎԱՆ, 21 սեպտեմբերի. /Նովոստի-Արմենիա/. Գործողության միջին շառավղով զենթիահրթիռային լեգենդար С-300ПТ համակարգերը ցուցադրվեցին Հայաստանի անկախության 20-ամյակին նվիրված զորահանդեսի ժամանակ:
Մասնագետները վստահ են, որ այդ համակարգերի շնորհիվ Հայաստանի օդային տարածքը հուսալիորեն պաշտպանված է:
ЗРС С-300-ը նախատեսված է արդյունաբերական և վարչական խոշոր օբյեկտների, ռազմակայանների և կառավարման կետերի պաշտպանության համար հակառակորդի օդատիեզերական հարձակման միջոցների հարվածներից: Համակարգերն ընդունակ են ոչնչացնելու բալիստիկ և աէրոդինամիկ թիրախներ: Առկա է ցամաքային նշանակետերին նախապես հայտնի կոորդինատներով հարվածներ հասցնելու հնարավորություն:
Զորահանդեսում ցուցադրվեցին С-300 չորս համակարգեր:
ԱՊՀ մասնակից պետությունների ՀՕՊ միավորված համակարգի hամատեղ զորավարժության ընթացքում Հայաստանի զինված ուժերի հակաօդային պաշտպանության զորքերի հաշվարկը կատարեց ոչ միայն հակաօդային պաշտպանության, այլև հակահրթիռային խնդիրներ և խոցեց բոլոր թիրախները` ցուցաբերելով 100 տոկոս արդյունավետություն: --0—