Ոստիկանությունը ձերբակալել է հայկական եկեղեցուց գանձանակը գողացած անձին
ՀՀ ոստիկանությունը Վերին Արտաշատ գյուղում գտնվող Սուրբ Աստվածածին եկեղեցու գանձանակը գողանալու կասկածանքով բերման է ենթարկել մի տղամարդու, հաղորդվում է ոստիկանության օպերատիվ ամփոփագրում:
Մոտավորապես 10 օր առաջ Վերին Արտաշատ գյուղում գտնվող Սուրբ Աստվածածին եկեղեցու հոգևոր հովվից ոստիկանություն հաղորդում էր ստացվել, որ նույն օրը գիշերը գողացել են եկեղեցու գանձանակը:
Ոստիկանության ծառայողների ձեռնարկած միջոցառումների շնորհիվ օգոստոսի 16-ին, ժամը 05.00-ին, հիշյալ գողությունը կատարելու կասկածանքով Մխչյան գյուղից բերման է ենթարկվել Այնթապ գյուղի բնակիչ, նախկինում դատված 35-ամյա Ստեփան Ն.-ն:
Անձնական խուզարկությամբ նրա մոտ հայտնաբերվել են ռետինե ձեռնոցներ: «Պարզվել է, որ Ստեփան Ն.-ն օգոստոսի 7-ին, ժամը 03.00-ի սահմաններում Սուրբ Աստվածածին եկեղեցուց գողացել է գանձանակը, տեղափոխել նույն գյուղի զբոսայգի, բացել ու գողացել մոտ 10.000 դրամ գումար»,- ասվում է ամփոփագրում:
Ստեփան Ն.-ն ձերբակալված է: -0-