Լիբանանի նախագահը հայտնել է, որ Տիրի ահաբեկչության մեղավորները պատժվելու են
Լիբանանի նախագահ Միշել Սուլեյմանը խոստացել է, որ ուրբաթ Լիբանանի հարավում գտնվող Տիր քաղաքում տեղի ունեցած պայթյունի մեղավորները կգտնվեն և կպատժվեն:
Պայթյունը տեղի է ունեցել Լիբանանի հարավում տուժել է յոթ մարդ, նրանց շրջանում են եղել ՄԱԿ-ի խաղաղապահ համակազմի զինծառայողները, ուրբաթ հաղորդում է Ռոյթերս գործակալությունը՝ հղում անելով անվտանգության տեղական ծառայությունների աղբյուրներին:
«Լիբանանի անվտանգության մարմիններն ամեն ինչ կանեն, որպեսզի գտնեն և ձերբակալեն այդ պայթյունի մեղավորներին և բացառեն նման ողբերգությունների կրկնությունը ապագայում: Լիբանանի ժողովուրդն ու իշխանությունները խորը երախտագիտություն են հայտնում ՄԱԿ-ի խաղաղապահ ուժերին, մասնավորապես՝ ֆրանսիացի խաղաղապահներին, և բոլոր տուժածներին ապաքինում են մաղթում»,- ուրբաթ Երևանում իր հայ գործընկեր Սերժ Սարգսյանի հետ ունեցած համատեղ ասուլիսի ժամանակ ասաց նա:
Ըստ Սուլեյմանի, այդ ահաբեկչությամբ ահաբեկիչները ցանկացել են հասնել նրան, որ երկրից դուրս բերվեն խաղաղապահներն ու ձախողվի խաղաղ գործընթացը:
«Բայց ես վստահ եմ, որ նման երկիրը, ինչպիսին Ֆրանսիան է, որն այդքան ջանքեր է գործադրում ողջ աշխարհում խաղաղություն հաստատելու համար, նման սադրանքի չի ենթարկվի: Ես վստահ եմ, որ միջազգային հանրությունը թույլ չի տա, որ ահաբեկչական ցանցն ընդլայնվի և տարածաշրջանում ահաբեկչությունները շատանան»,- նշեց լիբանանյան պետության ղեկավարը:
Նա տեղեկացրեց նաև, որ ողբերգության մասին իմացել է ՀՀ նախագահ Սերժ Սարգսյանի հետ բանակցությունների ժամանակ: «Մենք կարծում ենք, որ նման գործողությունները պետք է չազդեն խաղաղ գործընթացի ձախողման վրա: Նման ահաբեկչական գործողությունները պետք է չհանգեցնեն խաղաղապահ ուժերի նահանջին և աշխարհի ահաբեկչական կազմակերպությունների ազդեցության ավելացմանը»,- ավելացրեց Սուլեյմանը:
Ինչպես նշում է ՌԻԱ Նովոստին, Տիր քաղաքում զինվորականներն իրենց գոտին են հսկելիս եղել, երբ նրանց զրահամեքենան պայթել է: ՄԱԿ-ի զինծառայողների վկայությամբ, վիրավորների թվում մի քանի պատահական անցորդներ են եղել: Տեղեկացվում է, որ տուժածների կյանքին վտանգ չի սպառվում:
ՄԱԿ-ի ժամանակավոր ուժերը՝ 13 հազար զինծառայողով, տեղակայվել են Լիբանանի հարավում ՄԱԿ-ի ԱԽ 1701 բանաձևի համաձայն, որով վերջ էր դրվում 2006 թվականի պատերազմին: Լիբանանի բանակի հետ համատեղ նրանք հսկում են Իսրայելի հետ ունեցած սահմանի ապառազմականացված գոտին:--0-
