Իրանի իշխանությունները ձերբակալել են 2,6 մլրդ դոլարի չափով պետական միջոցների գողության մեջ կասկածվող 19 անձանց

Իրանական իշխանությունները ձերբակալել են 2,6 մլրդ դոլարի չափով պետական միջոցների գողության մեջ մի քանի կասկածյալների, երկուշաբթի հաղորդում է Fars գործակալությունը՝ վկայակոչելով ֆինանսների և տնտեսական գործերի նախարար Շամսեդին Հոսեյնիին:

Խարդախությունները, որոնք տեղական ԶԼՄ-ների կողմից արդեն որպես երկրի պատմության մեջ խոշոր ֆինանսական խարդախություն են ճանաչվել, ենթադրում էին Bank Saderat-ում (Իրանի առաջատար ֆինանսական ինստիտուտներից մեկը) վարկ ստանալու համար կեղծ փաստաթղթերի օգտագործում՝ նպատակ ունենալով ակտիվներ գնել, այդ թվում՝ պետական ընկերությունների, ինչպիսին է Khuzestan Steel Co խոշոր արտադրողը:

Ինչպես հաղորդում է «ՌԻԱ Նովոստին», Հոսեյնին նշել է, որ Իրանի Իսլամական Հանրապետության գլխավոր դատախազ Գոլյամհոսեյն Մոհսենի Էժեին նախօրեին հայտնել է, որ այդ գործի առթիվ 19 մարդ է ձերբակալվել: Նա նաև նշել է, որ նրանց մեջ է գտնվում նաև խարդախության գլխավոր կասկածյալը: -0-