Առաջիկայում Հայաստան այցելող զբոսաշրջիկների հիմնական հոսքը կլինի ԱՊՀ երկրներից. ՀՀ վարչապետ
Առաջիկա տասը տարիների ընթացքում Հայաստան այցելող զբոսաշրջիկների հիմնական հոսքը կլինի ԱՊՀ երկրներից, չորեքշաբթի Սանկտ- Պետերբուրգի ֆինանսների և տնտեսության պետական համալսարանի պրոֆեսորադասախոսական կազմի և ուսանողների հետ հանդիպման ժամանակ ասել է հայկական կառավարության ղեկավար Տիգրան Սարգսյանը:
«Հատկապես վերջին շրջանում Ռուսաստանից մեր երկիր ժամանող զբոսաշրջիկների մեծ հոսք է նկատվում: Հայաստանն ունի զբոսաշրջության մեծ ներուժ նաև հոգևոր-մշակութային հուշարձանների առկայության տեսանկյունից, որոնք ունեն դարերի պատմություն»,-չորեքշաբթի «Նովոստի-Արմենիա» գործակալությանը Սարգսյանի խոսքը մեջբերեցին հանրապետության կառավարության մամուլի ծառայությունից:
Սարգսյանը նաև ընդգծել է, որ տվյալ ոլորտը կառավարական ծրագրերի առաջնահերթ ուղղություններից մեկն է:
Նա տեղեկացրել է, որ արդեն վերականգնել և շարունակվում են արդիականացվել Հայաստանի զբոսաշրջային կենտրոնների՝ Ծաղկաձորի, Դիլիջանի, Ջերմուկի, Արզնիի ենթակառուցվածքները, որտեղ կարելի է կազմակերպել բարձրակարգ հանգիստ: -0-
