Ծանրորդ Գոռ Սահակյանը աշխարհի առաջնությունում դարձել է պոկում վարժության արծաթե մեդալակիր

ԵՐԵՎԱՆ, 6 հոկտեմբեր․/Նովոստի-Արմենիա/.   Ծանրամարտիկ Գոռ Սահակյանը պոկում վարժությունն ավարտել է 154 կգ արդյունքով։

Նա նվաճել է փոքր արծաթ։

Գոռ Սահակյանը (71 կգ) հրում վարժությունն ավարտել է առանց արդյունքի՝ երեք անգամ չկարողանալով բարձրացնել 182 կգ։

Այսպիսով, Սահակյանը ընդհանուր հաշվարկում արդյունք չունեցավ, բայց նա պատվո հարթակ բարձրացավ փոքր արծաթե մեդալով պոկում վարժությունում։

Սա Հայաստանի առաջին մեդալն է 2025 թվականի ծանրամարտի աշխարհի առաջնությունում։

Նշենք, որ Նորվեգիայի Ֆյորդե քաղաքում ընթանում է ծանրամարտի աշխարհի մեծահասակների առաջնությունը, որին մասնակցում են նաև Հայաստանի ներկայացուցիչները:

Այսօրվա մրցելույթներում Հայաստանի ներկայացուցիչ չունենք։

ՀՀ ներկայացուցիչները հանդես կգան հետևյալ ժամանակացույցով.

Հոկտեմբերի 7-ին Ժամը` 19:00, 88 կգ հանդես կգա Սուրեն Գրիգորյանը, հոկտեմբերի 8՝ Ժամը` 19:00, 77 կգ` Աննա Ամրոյանը (B խումբ) հոկտեմբերի 10՝ Ժամը` 21:30. 110 կգ Սիմոն Մարտիրոսյանը, Գարիկ Կարապետյանը, հոկտեմբերի 11՝ Ժամը` 18:00. +110 կգ Վարազդատ Լալայանը։