Տարխանովը գլխավորել է երևանյան «Փյունիկ»–ը

ԵՐԵՎԱՆ, 11 ապրիլի./Նովոստի–Արմենիա/. Ռուսաստանցի հայտնի մարզիչ Ալեքսնադր Տարխանովը գլխավորել է «Փյունիկ» ֆուտբոլային ակումբը, այդ մասին ասվում է ակումբի Facebook–ի էջում։

Ավելի վաղ հայտնի է դարձել, որ հայկական ակումբից հեռացել է մեկ այլ ռուսաստանցի մարզիչ Անդրեյ Տալալաևը։

Տարխանովն աշխատանքի փորձ ունի ԲԿՄԱ–ի, «Խորհուրդների թևերի», «Տերեկի», «Կուբանի», «Խիմկի»–ի, «Ուրալ»–ի և մի շարք այլ ակումբերի հետ։ Մինչև վերջերս «Ուրալ»–ի նախագահի խորհրդականն էր։

Մարզչական կարիերայի սկզբում Տարխանովն Աբովյանի «Կոտայք»–ի խորհրդատու մարզիչն էր։

Հայաստանի առաջնության 22–րդ տուրից հետո «Փյունիկը» 37 միավորով զբաղեցնում է երկրորդ տեղը` ընդամենը մեկ միավորով հետ մնալով երևանյան «Արարատ–Արմենիա»–ից, որը մեկ խաղով պակաս է անցկացրել։

«Փյունիկ» ֆուտբոլային ակումբը հիմնվել է 1992 թվականին։ Թիմը Հայաստանի 14–ակի չեմպիոն է, ութակի գավաթակիր և երկրի իննակի սուպերգավաթակիր։ Արթուր Սողոմոնյանը հայկական ամենատիտղոսակիր ակումբի սեփականատեր է դարձել 2018 թվականի մայիսին։ -0-