ԵՐԵՎԱՆ, 8 հոկտեմբերի. /Նովոստի–Արմենիա/. The Guardian–ը կազմել է համաշխարհային ֆուտբոլի 50 ամենահեռանկարային պատանի խաղացողների ցանկը, որտեղ ներառվել է նաև Մոսկվայի «Լոկոմոտիվ» ակումբի սան Արտյոմ Գալաջյանը։
Գալաջյանը սկսել է ֆուտբոլ խաղալ 7 տարեկանից Նովորոսիյսկում, իսկ հինգ տարի հետո տեղափոխվել է Մոսկվա։ Գալաջյանը «Լոկոմոտիվի» երիտասարդական թիմերից մեկում խաղալու հնարավորություն է ստացել, հաղորդում է sports.ru–ն։
Գալաջյանը Ռուսաստանի U-17 հավաքականի ավագն է և ազատ տիրապետում է անգլերենին։ Հարձակվողը դարձել է հինգ գոլի հեղինակ Ռուսաստանի U-17 հավաքականի 11 խաղերում և 13 գոլի հեղինակ «Լոկոմոտիվ» ակումբի երիտասարդական թիմի 19 հանդիպումներում։
Գալաջյանը միակ ռուսաստանցին է The Guardian–ի խորհրդանշական հավաքականում։ –0–
