«Ռեալի» հարձակվող Քրիշտիանու Ռոնալդուն որոշել է հեռանալ Մադրիդի ակումբից

ԵՐԵՎԱՆ, 23 սեպտեմբերի. /Նովոստի–Արմենիա/. «Ռեալի» ֆուտբոլիստ Քրիշտիանու Ռոնալդուն որոշել է հեռանալ Մադրիդի ակումբից։ Այս մասին հայտնում է НСН–ը` հղում անելով իսպանական Don Balon թերթին։

Ինչպես գրված է հոդվածում, ֆուտբոլիստի գործակալ Ժորժե Մենդեշն արդեն սկսել է նոր թիմի որոնումները։ Նշվում է նաև, որ խաղացողի համար կարիերան շարունակելու առաջնահերթ տարբերակներ են «Մանչեսթեր Սիթին» և Պարի Սեն–Ժերմենը։

Ռոնալդուի այս մտադրությունը պայմանավորված է այն հանգամանքով, որ «Թագավորական ակումբը» պատրաստվում է նոր թիմ կառուցել, որի կենտրոնական դերում կլինի կիսապաշտպան Գարետ Բեյլը։

Ավելի վաղ հայտնի էր դարձել, որ «Մանչեսթեր Յունայթեդը» պատրաստ է եղել ֆուտբոլիստի համար վճարել 124 մլն եվրո։