«Բարսելոնա» ակումբի մարզադաշտի անունը կարող է փոխվել

ԵՐԵՎԱՆ, 9 սեպտեմբերի. /Նովոստի–Արմենիա/. «Բարսելոնա» ակումբի մարզադաշտը` «Քամփ Նոուն», կարող է այլ անվանում ստանալ։

Կատալոնական ակումբը մարզադաշտի վերանվանումը գնահատում է 250 մլն եվրո, հաղորդում է sports.ru–ն` հղում անելով El Mundo Deportivo–ին։

Նշվում է, որ ստացված հասույթը կուղղվի մարզադաշտի վերանորոգմանը։

Ավելի վաղ հայտնի է դարձել, որ «Բարսելոնա» ակումբի մարզադաշտը կարող անվանվել «Քամփ Նոու Qatar Airways», իսկ «Ռեալ» ակումբի մարզադաշտը վերանորոգումից հետո կկոչվի «Աբու Դաբի Բերնաբեու»։ –0–