Մարգարիտա Գասպարյանը դուրս է եկել Բաքվում ընթացող WTA կարգի մրցաշարի եզրափակիչ փուլ

ԵՐԵՎԱՆ, 1 օգոստոսի. /Նովոստի-Արմենիա/. Ռուսաստանը ներկայացնող հայ թենիսիստուհի Մարգարիտա Գասպարյանը դուրս է եկել Բաքվում ընթացող WTA կարգի մրցաշարի եզրափակիչ փուլ:

Կիսաեզրափակիչ փուլում 20-ամյա Գասպարյանը 6:3, 5:7, 6:3 հաշվով դժվարին հաղթանակ է տարել մրցաշարում 2-րդ համարով հայտավորված իտալուհի Կարին Կնապի նկատմամբ:

Որոշիչ պայքարում Գասպարյանը կմրցի ռումինացի Պատրիսիա-Մարիա Տիգի հետ:

Հաղթելով չինացի Յան Չժաոսյուանին և Չժու Լինին՝  Գասպարյանը  Ալեքսանդրա Պանովայի հետ դուրս է եկել նաև զույգերով պայքարի եզրափակիչ փուլ:

Նրանք կմրցեն Վիտալիա Դյաչենկոյի և Օլգա Սավչուկի հետ:-0-