Ավստրալիան պահանջել է վերանայել 1980 .–ին անցկացված Օլիմպիադայի արդյունքները

ԵՐԵՎԱՆ, 27 հուլիսի. /Նովոստի–Արմենիա/. Ավստրալիայի թեթև ատլետիկայի ֆեդերացիան պահանջում է վերանայել 1980թ.–ին Մոսկվայում անցկացված Օլիմպիադայի եռացատկի արդյունքները։ Կազմակերպությունը վստահեցնում է, որ ապացույց ունի, որ խորհրդային մարզիկն այն ժամանակ ապրօրինի կերպով է ոսկե մեդալի արժանացել։

Ավստրալիայի թեթև ատլետիկայի ֆեդերացիան պահանջել է վերանայել Մոսկվայում 1980թ.–ին անցկացված Ամառային օլիմպիական խաղերի եռացատկի մրցումների արդյունքները, հաղորդում է BBC-ին։ Ֆեդերացիան պնդում է, որ «գիտական ապացույցներ» ունի, որ ավստրալացի թեթև ատլետ Իենաու Քեմփբելին ապօրինի կերպով են զրկել ոսկե մեդալից, հաղորդում է rbc.ru–ին։

Կազմակերպությունից նշում են, որ 1980թ.–ի խաղերի ժամանակ Քեմփբելը երրորդ փորձի ժամանակ ցատկել էր 17,39 և 17,89 մետրի միջև, որն այդ պահին օլիմպիական և համաշխարհային ռեկորդ էր։ Սակայն փորձը չէին հաշվել ցատկի կանոնների խախտման պատճառով։ Այն ժամանակ եռացատկի մրցումներում ոսկե մեդալի արժանացավ խորհրդային մարզիկ Յակ Ուուդմյաեն` ցուցադրելով 17,35 մետր արդյունք։

Ավստրալիայի թեթև ատլետիկայի ֆեդերացիայի նախագահ Դևիդ Գրեյսը պարզաբանել է, որ Քեմփբելը չի խախտել կանոններն ու երրորդ փորձի ժամանակ ցուցադրել է 17,51 մետր արդյունք, ինչի ապացույցները կներկայացվեն Թեթև ատլետիկայի ֆեդերացիաների միջազգային ասոցիացիային։ Նշվում է, որ ապացույցները ստացվել են Մելբուրնի համալսարանի ուսումնասիրությունների հիման վրա։

Բացի այդ, Ավստրալիայի ֆեդերացիան պահանջում է վերանայել Լոնդոնում 1948թ.–ի Օլիմպիական խաղերի ժամանակ անցկացված 200 մետր վազքի մրցումների արդյունքները։ Կազմակերպության տվյալներով` ավստրալուհի Շիռլի Սթրիքլենդն ապօրինի կերպով է զրկվել բրոնզե մեդալից` զբաղեցնելով չորրորդ տեղը։

ՌԴ Պետդումայում նշել են, որ 1980 թ.–ի Օլիմպիադայի արդյունքների վերանայման մասին թեթև ատլետիկայի ավստրալական ֆեդերացիայի պահանջներն ընդամենը PR են։ «Մարդիկ ցանկանում են, որպեսզի իրենց մասին խոսեն, սակայն բարի գործեր նրանք չեն կարող անել, այդ պատճառով նման միջոցների են դիմում։ Նույն հաջողությամբ նրանք կարող են խոսել ցանկացած մարզական միջոցառման մասին, որին մասնակցել են մեր խորհրդային, ռուս մարզիկները», – «Նորությունների ռուսական ծառակությանը» հայտարարել է ՌԴ Պետդումայի ֆիզկուլտուրայի, սպորտի և երիտասարդության հարցերով կոմիտեի անդամ Իգոր Անանսկիխը։ –0–