Կաֆելնիկովին հիացրել է Մովսիսյանի գոլը

ԵՐԵՎԱՆ, 27 հուլիսի. /Նովոստի–Արմենիա/. Հայտնի ռուս թենիսիստ Եվգենի Կաֆելնիկովը Twitter–ի իր միկրոբլոգում հիացմունք է արտահայտել «Սպարտակ» ակումբի հարձակվող Յուրա Մովսիսյանի գոլի վերաբերյալ։

Նախօրեին Ռուսաստանի պրեմիեր լիգայի երկրորդ փուլի հանդիպման ժամանակ Դմիտրի Ալենիչևի գլխավորությամբ «Սպարտակ» ակումբն առաջին հաղթանակն է տարել։ Մովսիսյանի գոլը խաղի ընթացքում գրանցված միակ գոլն է եղել։ Հայաստանի հավաքականի հարձակվողը գնդակը դարպաս է ուղարկել երկրորդ փորձից։

«Ցավդ տանեմ, ախպեր ջան, Յուրա Մովսիսյան», – գրել է Կաֆելնիկովն իր միկրոբլոգում։ –0–