Գյումրու «Շիրակը» կխաղա շվեդական հայտնի «ԱԻԿ» ակումբի հետ ԵԼ երկրորդ փուլում

ԵՐԵՎԱՆ, 10 հուլիսի. /Նովոստի–Արմենիա/. Գյումրու «Շիրակը» ԵԼ երկրորդ նախընտրական փուլում կխաղա շվեդական ամենահայտնի ակումբներից մեկի հետ` Շվեդիայի 11-ակի չեմպիոն և 8-ակի աշխարհի գավաթակիր` «ԱԻԿ»–ի հետ, հայտնում է ՈՒԵՖԱ պաշտոնական կայքը։

Մեկ այլ հայկական թիմ` «Ալաշկերտը», Մարտունի քաղաքից կմրցի հաջորդ փուլ անցնելու համար հայ երկրպագուներին ԽՍՀՄ առաջնությունից քաջ հայտնի` Ալմա–աթայի «Կայրատ» թիմի հետ։

Չեմպիոնների լիգայի երկրորդ փուլի առաջին խաղերը կանցնեն հուլիսի 16–ին, պատասխան խաղերը` հուլիսի 23–ին։

Բացի այդ, ուրբաթ շվեյցարական Նյոնում անցկացվել է չեմպիոնների լիգայի երկրորդ նախընտրական փուլի վիճակահանությունը, որի արդյունքում որոշվել է, որ Երևանի «Փյունիկ» ակումբը կխաղա Նորվեգիայի «Մոլդեի» հետ։

Առաջին խաղերը կանցնեն հուլիսի 14/15–ին, պատասխան խաղերը` հուլիսի 21/22–ին։

Հինգշաբթի ԵԼ առաջին նախընտրական փուլում Գյումրու «Շիրակը» պարտվել է արտագնա խաղում Բոսնյայից և Հերցեգովինայից «Զրինսկի» թիմին 1։2 հաշվով, իսկ Մարտունու «Ալաշկերտը» արտագնա խաղում զիջել է նաև շոտլանդական «Սենտ Ջոնսոնին»` 2։1 հաշվով, սակայն, երկու հայկական ակումբներն էլ հաջորդ փուլ են անցել։ «Շիրակը» երկու խաղերի արդյունքում (3:2), իսկ «Ալաշկերտը» արտագնա խաղում խպած գնդակի հաշվին (հաշիվը երկու խաղերի արդյունքում - 2:2)։

Հուլիսի 7-ին Հայաստանի չեմպիոն` Երևանի «Փյունիկը»` հաղթելով Սան Մարինոյից «Ֆալգորե» ակումբին 2։1 հաշվով (4:2 երկու խաղերի արդյունքում) անցել է Չեմպիոնների լիգայի առաջին նախընտրական փուլը։ -0-