ՖԻՖԱ–ն հիասթափված է պայմանագիրը խզելու մասին Խաղաղության նոբելյան կենտրոնի որոշումից

ԵՐԵՎԱՆ, 16 հունիսի, /Նովոստի–Արմենիա/. Ֆուտբոլի միջազգային ֆեդերացիան (ՖԻՖԱ) հիասթափություն է հայտնել` ՖԻՖԱ–ում սկանդալի պատճառով պայմանագիրը խզելու մասին Խաղաղության նոբելյան կենտրոնի որոշման հետ կապված։

Ավելի վաղ հաղորդվել էր, որ Խաղաղության նոբելյան կենտրոնը, կոռուպցիոն սկանդալի հետ կապված, որոշել է հրաժարվել ՖԻՖԱ–ի հետ «Ձեռքսեղմում` հանուն խաղաղության» ակցիայի շրջանակում համագործակցությունից։

«Մենք հիասթափված էինք` իմանալով ՖԻՖԱ–ի հետ «Ձեռքսեղմում` հանուն խաղաղության» նախաձեռնության շրջանակում համագործակցությունից հրաժարվելու` Խաղաղության նոբելյան կենտրոնի մտադրության մասին»։ ՖԻՖԱ–ն չի սատարում այդ համատեղ նախաձեռնության նկատմամբ նման միակողմանի մոտեցմանը։ Նման գործողությունները չեն համապատասխանում fair play–ի ոգուն»,– ասվում է ՖԻՖԱ—ի կայքում, հաղորդում է «ՌԻԱ Նովոստին»։

Ակցիան գործարկվել էր` հասարակության մեջ բարեկամության, հարգանքի և խաղաղության օրինակ ցույց տալու նպատակով։ ՖԻՖԱ–ն միացել էր ակցիային 2013թ.–ին և պարտավորվել անցկացնել այն կազմակերպության հովանու ներքո ընթացող մրցաշարերում։ Ակցիայի շրջանակում մինչև խաղը և դրա ավարտից հետո խաղացող թիմերի ավագները և մրցավարները պետք է հավաքվեին դաշտի կենտրոնական շրջանի շուրջ` միմյանց ձեռք սեղմելու համար։ Կազմակերպությունների միջև պայմանագիրը ստորագրվել էր մինչև 2016թ.–ի վերջը։

Մայիսի վերջին Ցյուրիխում կոռուպցիայի մեջ մեղադրանքով ձերբակալվել են ՖԻՖԱ–ի մի քանի բարձրաստիճան պաշտոնյաներ։ Եվս մի քանի պաշտոնյաների առաջադրվել են մեղադրանքներ։-0-