Մարմնամարզուհի Կոմովան հուսով է, որ Մուսթաֆինան և Թութխալյանը Բաքվում կհավաքեն ամբողջ ոսկին

ԵՐԵՎԱՆ, 16 հունիսի. /Նովոստի–Արմենիա/. Ռուս մարմնամարզուհի Վիկտորիա Կոմովան հուսով է, որ իր թիմակիցներ Ալիա Մուսթաֆինան և Սեդա Թութխալյանը կարժանանան ևս հինգ ոսկե մեդալի Բաքվի Եվրոպական խաղերին։

Ռուսաստանի սպորտային մարմնամարզության կանանց հավաքականը (Կոմովա, Ալիա Մուսթաֆինա և Սեդա Թութխալյան) երկուշաբթի հաղթել է թիմային առաջնությունում Բաքվի Եվրոպական խաղերին։ Կոմովան չի որակավորվել անհատական առաջնության եզրափակչի ոչ մի մարզաձևում և ավարտել է մասնակցությունն առաջնությունում։

«Իհարկե, ես կցանկանայի ոսկի շահել նաև անհատական առաջնությունում, սակայն ես վաղուց ելույթ չեմ ունեցել և կորցրել եմ մրցութային փորձը։ Ես քիչ թե շատ գոհ եմ, կարծում եմ, որ արժանի ելույթ եմ ունեցել և կատարել եմ իմ առաքելությունը` մենք թիմով ոսկի են շահել։ Ինձ համար Եվրոպական խաղերը մեծ փորձ են, այժմ հենման կետ կա։ Հետագայում, հուսով եմ, որ Մուսթաֆինան և  Թութխալյանը կհավաքեն մրցաշարի ամբողջ ոսկին», – ասել է Կոմովան լրագրողներին, հայտնում է «ՌԻԱ Նովոստին»։

Բաքվից առաջ Օլիմպիադա 2012–ից հետո Կոմովայի միակ մեկնարկը եղել է անցյալ տարվա օգոստոսին Ռուսաստանի գավաթը, մարմնամարզուհին այդ շրջանում մի քանի վիրահատություն է տարել։ -0-