Լիոնել Մեսին դատարանի առջև կկանգնի հարկերի վճարումից խուսափելու մեղադրանքով

ԵՐԵՎԱՆ, 10 հունիսի. /Նովոստի–Արմենիա/. Իսպանիայի «Բարսելոնա» ակումբի և Արգենտինայի ֆուտբոլի հավաքականի հարձակվող Լիոնել Մեսին կկանգնի դատարանի առջև` հարկերի վճարումից խուսափելու մեղադրանքով, հաղորդում է elpais.com–ը։

2013 թ.–ին Մեսիին և նրա հորը` Խորխեին, առաջադրվել էին 4 մլն եվրոյի չափով հարկերի վճարումից խուսափելու մեղադրանքներ։ Դատախազ Ռակել Ամադոն խնդրել էր հանել մեղադրանքները ֆուտբոլիստից, քանի որ, նրա կարծիքով, ամեն ինչի համար պատասխանատու է Մեսի ավագը, սակայն 2014 թ.–ի հուլիսին Բարսելոնայի դատարանը հրաժարվել էր հանել մեղադրանքները Մեսիի նկատմամբ։ Ֆուտբոլիստը բողոքարկել էր, սակայն այդ հայցը ևս մերժվել էր, հաղորդում է «ՌԻԱ Նովոստին»։

Մեսին և նրա հայրը մեղադրվում են հարկային խարդախության երեք դրվագներով` 2007, 2008 և 2009 թթ.–ին։ Խարդախությունը կապված է գովազդային պայմանագրերից ստացված միջոցների հետ։ –0–