ԵՐԵՎԱՆ, 28 ապրիլի. /Նովոստի–Արմենիա/. «Չելսի» ֆուտբոլային ակումբը, որն Անգլիական պրեմիեր լիգայի այս խաղաշրջանում պետք է խաղա դեռ հինգ խաղ, հերքել է այն լուրերը, որ չեմպիոնական շքերթի անցկացման ամսաթիվն արդեն համաձայնեցվել է, հայտնում է Daily Mail–ը։
Լոնդոնցիները 33 խաղից հետո ունեն 77 միավոր և զբաղեցնում են մրցաշարային աղյուսակի առաջին տեղը։ Երկրորդը «Մանչեսթեր Սիթին» է 67 միավորով 34 խաղից հետո։ 67 միավոր են հավաքել նաև «Արսենալի» ֆուտբոլիստները, ովքեր անցկացրել են 33 հանդիպումներ, հաղորդում է «ՌԻԱ Նովոստին»։
ԶԼՄ–ների հաղորդմամբ` լոնդոնյան ակումբի ներկայացուցիչներն ավելի վաղ իրազեկել են տեղական ադմինիստրացիային շքերթի անցկացման հնարավոր ամսաթվի մասին, այն դեպքում, եթե «Չելսին» դառնա Անգլիայի չեմպիոն։ Ավելի ուշ քաղաքի մի քանի շրջաններ սկսել են նախազգուշացնել բնակիչներին մայիսի 25–ին պատրաստվող շքերթի, ինչպես նաև փողոցները փակելու մասին։ «Չելսիի» մամուլի ծառայության ներկայացուցիչը հայտնել է, որ բնակիչներին իրազեկելը նախաձեռնել են տեղի իշխանությունները, ինչպես նաև նշել է, որ շքերթի անցկացումը հնարավոր է, եթե միայն «Չելսին» հաղթանակ տանի»։
«Չելսին» առաջիկա տուրում ապրիլի 29–ին արտագնա խաղ կունենա «Լեստերի» հետ։ -0-
