Հայաստանի և Ռուսաստանի շախմատի կանանց հավաքականները ոչ–ոքի են խաղացել ԱԱ երկրորդ տուրում Չինաստանում

ԵՐԵՎԱՆ, 20 ապրիլի. /Նովոստի–Արմենիա/. Հայաստանի և Ռուսաստանի շախմատի կանանց հավաքականները ոչ–ոքի են խաղացել Աշխարհի առաջնության թիմային առաջնության երկրորդ տուրում Չինաստանում։

Ոչ–ոքի են ավարտվել նաև Հնդկաստան–Չինաստան և Լեհաստան–ԱՄՆ հանդիպումները, ուկրաինական թիմը հաղթել է Ղազախստանի հավաքականին` 3,5 - 0,5, իսկ վրացուհիները պարտության են մատնել Եգիպտոսի շախմատիստուհիներն 4։0 հաշվով։

Մրցաշարի երկու տուրերից հետո առաջատար են ԱՄՆ–ի, Վրաստանի, Չինաստանի և Լեհաստանի հավաքականները, որոնք հավաքել են 3–ական միավոր, 5-7–րդ տեղերը կիսում են Ղազախստանը, Ռուսաստանը և Ուկրաինան` 2–ական միավորով, 8-9–րդ տեղերում մեկական միավորով տեղավորվել են Հնդկաստանն ու Հայաստանը։ Մրցաշարային աղյուսակը եզրափակում է Եգիպտոսը զրոյական արդյունքով։

Երրորդ տուրում Հայաստանի հավաքականը կխաղա Եգիպտոսի թիմի հետ։ Մյուս զույգերն են` Վրաստան–Լեհաստան, Չինաստան–Ռուսաստան, ԱՄՆ–Ղազախստան, Ուկրաինա–Հնդկաստան։

Կանանց շախմատի աշխարհի առաջնությունն անցկացվում է ապրիլի 18-29–ը Չենդուում շրջանային համակարգով։ Թիմերի կազմերում չորս հիմնական խաղացողներ են և մեկ պահեստային։ -0-