Ռուբեն Հայրապետյանը վերընտրվեց ՀՖՖ նախագահի պաշտոնում

ԵՐԵՎԱՆ, 18 ապրիլի. /Նովոստի–Արմենիա/. Ռուբեն Հայրապետյանը շաբաթ օրը միաձայն վերընտրվեց Հայաստանի ֆուտբոլի ֆեդերացիայի նախագահի պաշտոնում` Ֆեդերացիայի 13–րդ ժողովի ժամանակ, հայտնում է ՀՖՖ մամուլի ծառայությունը։

Ռուբեն Հայրապետյանը կգլխավորի ֆեդերացիան ևս 4.5 տարի։  ՀՖՖ նախագահի պաշտոնում նրա թեկնածությունն առաջադրել էին ՀՖՖ անդամ 8 ակումբներ:

Բացի այդ, տեղի ունեցավ նաև ՀՖՖ Գործադիր կոմիտեի անդամների ընտրությունը: Ընտրվեց 16 անձից բաղկացած Գործադիր կոմիտե: Առաջին անգամ ՀՖՖ Գործադիր կոմիտեի անդամ ընտրվեցին «Ալաշկերտ» ակումբի նախագահ Բագրատ Նավոյանը  և ՀՀ ազգային ժողովի աշխատակազմի ղեկավար, գլխավոր քարտուղար Հրայր Թովմասյանը:

Գործադիր կոմիտեում վերընտրվեցին Սամվել Ալեքսանյանը, Սուքիաս Ավետիսյանը, Թովմաս Գրիգորյանը, Վիկտոր Դալլաքյանը, Լևոն Հասրաթյանը, Կարեն Հարությունյանը, Կառլոս Ղազարյանը, էդուարդ Ղազարյանը, Աշոտ Մանուկյանը, Էդիկ Մարգարյանը, Տարոն Մարգարյանը, Արմեն Մինասյանը, Արտակ Մնացականյանը և Արման Սահակյանը: -0-