Բռնցքամարտիկ Դրոզդը Վլոդարչիկի հետ մենամարտի նախապատրաստական մարզումներն անցկացնում է Հայաստանի լեռներում

ԵՐԵՎԱՆ, 3 մարտի. /Նովոստի–Արմենիա/. Ծանր քաշային կարգում WBC վարկածով աշխարհի չեմպիոն Գրիգորի Դրոզդը երեքշաբթի Հայաստանի լեռներում սկսել է մարզումները։ Նա պատրաստվում է լեհ Կշիշտոֆ Վլոդարչիկի հետ մրցապայքարին, «Р-Спорт» գործակալությանը հայտնել է ռուս բռնցքամարտիկի մենեջեր Անտոն Ժդանովը։

Նախորդ տարվա սեպտեմբերին Դրոզդը Մոսկվայում հաղթել էր Վլոդարչիկին և նվաճել WBC–ի տիտղոսը։ Այդ մրցապայքարի  պայմանագրի համաձայն, Վլոդարչիկը պարտվելու դեպքում կարող է 10 ամսում ռևանշ անցկացնել։ Պատասխան մենամարտը տեղի կունենա Մոսկվայում մայիսի 22-ին։

«Գրիգորիի նախապատրաստական մարզումների առաջին փուլն ավարտել է այս հանգստյան օրերին։ Եվ ահա երեքշաբթի Հայաստանի լեռներում սկսել է մարզումների երկրորդ փուլը, որը կտևի հինգ շաբաթ»,– ասել է Ժդանովը։-0-