ՈՒԵՖԱ նախագահ Պլատինին կլինի կազմակերպության ղեկավարի պաշտոնի միակ թեկնածուն

ԵՐԵՎԱՆ, 26 դեկտեմբերի. /Նովոստի–Արմենիա/. Եվրոպական ֆուտբոլային ասոցիացիաների միության (ՈՒԵՖԱ) ղեկավար Միշել Պլատինին մնաց միակ թեկնածուն կազմակերպության նախագահի պաշտոնի ընտրությունների ժամանակ, հաղորդում է «ՌԻԱ Նովոստին»` հղում անելով ՈՒԵՖԱ-ի կայքին։

ՈՒԵՖԱ նախագահի պաշտոնի համար թեկնածուներից հայտերի ընդունման  ժամկետն ավարտվել է դեկտեմբերի 24-ին։ Ընտրությունները տեղի կունենան ՈՒԵՖԱ հերթական կոնգրեսի ժամանակ, որը տեղի կունենա Վիենայում 2015թ. մարտի 24-ին։ Արարողակարգի համաձայն` թեկնածությունները պետք է ներկայացվեն գրավոր տեսքով, ոչ ուշ, քան կոնգրեսի բացումից երեք ամիս առաջ։

ՖԻՖԱ գործադիր հանձնաժողովի և ՈՒԵՖԱ գործադիր կոմիտեի անդամների թեկնածությունների ներկայացման վերջնաժամկետը 2015թ. հունվարի 24-ն է։

Վիենայում կայանալիք քվեարկությամբ կորոշվեն ՈՒԵՖԱ գործադիր կոմիտեի յոթ անդամները, ինչպես նաև կընտրվեն ՖԻՖԱ երկու փոխնախագահներ և ՖԻՖԱ գործադիր կոմիտեի անդամը։ ՈԻԵՖԱ նախագահն ավոտմատ կերպով դառնում է ՖԻՖԱ ևս մեկ փոխնախագահ։

Պլատինին մադիր է իր պաշտոնում մնալ երրորդ քառամյա ժամկետում և ղեկավարել ՈՒԵՖԱ-ն 2015-2019 թվականներին։ -0-