Արգենտինայի քաղաքներից մեկի փողոցները վերանվանվել են Մեսիի, Դի Մարիայի և Մասկերանոյի պատվին

ԵՐԵՎԱՆ, 1 դեկտեմբերի./Նովոստի–Արմենիա/. Արգենտինայի Էլ Չանար քաղաքի մի քանի փողոցներ վերանվանվել են Արգենտինայի հավաքականի ֆուտբոլիստների պատվին, ովքեր Բրազիլիայում կայացած աշխարհի առաջնության արծաթե մեդալակիրներ են դարձել, հաղորդում է Nova Mix ռադիոկայանը։

Փողոցները վերանվանվել են Լիոնել Մեսիի, Անխել Դի Մարիայի, Խավիեր Մասկերանոյի, Գոնսալո Իգուաինի և ազգային հավաքականի մյուս խաղացողների պատվին։ Միաժամանակ տեղեկացվում է, որ քաղաքի որոշ բնակչուհիներ բողոքում են Էսեկիել Լավեսիի անվան փողոցի բացակայության կապակցությամբ, ով մրցաշարում թիմի գլխավոր սեքս–խորհրդանիշն էր։

«Իմ քույրն ապրում է Դի Մարիայի անվան փողոցում և կարծում է, որ դա լավ նշան է, քանի որ նրա որդին ֆուտբոլ է խաղում նույն դիրքոմ», – հայտարարել է Նենսի Կիրոգան, ով բնակվում է Սերխիո Ռոբերոյի անվան փողոցում, հաղորդում է «ՌԻԱ Նովոստին»։–0–