ՖԻՖԱ–ի ղեկավար Բլատերը վճռականորեն դատապարտել է Սերբիայի և Ալբանիայի հավաքականների խաղի ժամանակ գրանցված միջադեպը

ԵՐԵՎԱՆ, 15 հոկտեմբերի. /Նովոստի–Արմենիա/. Ֆուտբոլի միջազգային ֆեդերացիայի ղեկավար Յոզեֆ Բլատերը վճռականորեն դատապարտել է Եվրոպա-2016 առաջնության ընտրական փուլում Սերբիայի և Ալբանիայի հավաքականների խաղի ժամանակ գրանցված միջադեպը։

Առաջին խմբի հանդիպումը երեքշաբթի անցել է Բելգրադի «Պարտիզան» մարզադաշտում։ Առաջին խաղակեսի վերջում մարզադաշտում հայտնվել է ոչ մեծ անօդաչու սարք, որին պարաններով ամրացված է եղել պաստառ` Մեծ Ալբանիայի քարտեզով և Իսա Բոլետինիի ու Իսլաիլ Կեմալիի լուսանկարներով, ովքեր առաջին անգամ 1912 թվականին բարձրացրել են ալբանական դրոշը։ Սերբացի պաշտպան Ստեֆան Միտրովիչը բռնել է պաստառը և ներքև ձգել, ինչից հետո թիմերի խաղացողների, այնուհետև նրանց մյուս ներկայացուցիչների միջև քաշքշուկ է սկսվել։ Խաղի գլխավոր մրցավար Մարտին Ատկինսոնը որոշում է ընդունել դադարեցնել հանդիպումը, այնուհետև այն չեղյալ է հայտարարել։ Այդ պահին հաշիվը դեռ չէր բացվել։

«Ֆուտբոլը երբեք չպետք է օգտագործվի քաղաքական նպատակների համար։ Վճռականորեն դատապարտում եմ այն, ինչ երեկ կատարվեց Բելգրադում»,– գրել է Բլատերը Twitter–ի իր միկրոբլոգում, հաղորդում է ՌԻԱ Նովոստին։ -0-