ՀՀ պաշտպանության նախարարը հանդիպել է բռնցքամարտի աշխարհի չեմպիոն Սյուզի Կենտիկյանի հետ

ԵՐԵՎԱՆ, 2 սեպտեմբերի. /Նովոստի-Արմենիա/. ՀՀ պաշտպանության նախարար Սեյրան Օհանյանը երեքշաբթի հանդիպել է բռնցքամարտի թեթև քաշային կարգում աշխարհի բազմակի չեմպիոն Սյուզի Կենտիկյանի հետ, հաղորդում է ՀՀ ՊՆ մամուլի ծառայությունը:

Նախարարը ողջունել է չեմպիոնուհուն և շնորհակալություն հայտնել միջազգային ասպարեզում հայրենիքի մարզական պատիվը բարձր պահելու համար:

Կենտիկյանը պատմել է Հայաստան այցելության, իր առաջիկա պլանների մասին, տեղեկացրել, որ պատրաստվում է մենամարտի, որը կնվիրվի Հայոց Ցեղասպանության 100-ամյակին:

Գերմանիայի դրոշի ներքո հանդես եկող Սյուզի Կենտիկյանը 2014 թ.-ի հունիսի 1-ին պաշտպանել է WBA վարկածով չեմպիոնական տիտղոսը՝ պարտության մատնելով Հարավային Կորեան ներկայացնող Դան Բի Կիմին:

WBA վարկածով աշխարհի չեմպիոնի տիտղոսը Սյուզի Կենտիկյանը վերադարձրել է 2013 թ.-ի հուլիսին այս վարկածով նախկին չեմպիոն Կարինա Մորենայի հետ ռևանշ-մենամարտի արդյունքում:-0-