Շարապովան զգում էր, որ Դուլգերուից շատ ավելի լավ մարզավիճակում է գտնվում

ԵՐԵՎԱՆ, 28 օգոստոսի. /Նովոստի-Արմենիա/. Ռուս թենիսիստուհի Մարիա Շարապովան հայտարարել է, որ շատ ավելի լավ էր պատրաստվել երկարատև հանդիպմանը, քան ԱՄՆ-ի Թենիսի բաց առաջնության երկրորդ փուլի նրա մրցակից ռումինուհի Ալեքսանդրա Դուլգերուն:

Չորեքշաբթի 5-րդ համարի ներքո հանդես եկող Շարապովան US Open-ի երկրորդ փուլի հանդիպման ժամանակ 4:6, 6:3, 6:2 հաշվով պարտության է մատնել Դուլերգուին: Հանդիպումը տևել է 2 ժամ 37 րոպե:

«Ընդհանուր առմամբ ես զգում էր, որ շատ ավելի լավ մարզավիճակում էի, քան նա: Ես կարող էի ևս մի քանի սեթ անցկացնել: Մտովի դա ինձ շատ օգնեց: Շատ լավ է, որ շարունակելու եմ մրցապայքարը», - Շարապովայի խոսքերը մեջբերում է Ասոշիեյթիդ Փրես գործակալությունը, հաղորդում է ՌԻԱ Նովոստին:

Ռուս թենիսիստուհու հաջորդ մրցակիցը մրցաշարի 26-րդ ռակետ գերմանուհի Սաբինա Լիսիցկին է:-0-