Բալոտելիի տեղափոխության ձախողման դեպքում «Լիվերպուլ» ակումբը պայմանագիր կստորագրի Էտո'ոյի հետ. ԶԼՄ

ԵՐԵՎԱՆ, 23 օգոստոսի. /Նովոստի-Արմենիա/. «Միլան» ակումբի հարձակվող Մարիո Բալոտելին համաձայնվել է աշխատավարձի 50 տոկոսանոց կրճատմանը՝ հանուն «Լիվերպուլ» ակումբի անդամ դառնալու: Ակումբը քննարկում է նաև Սամուել Էտո'ոյի թեկնածությունը, եթե իտալացի ֆուտբոլիստի հետ համագործակցելուն դեմ լինի Բրենդան Ռոջերսը, գրում է «ՌԻԱ Նովոստին»՝ հղում անելով The Guardian-ին:

Ուրբաթ բարդ բնավորություն ունեցող 24-ամյա տաղանդավոր ռմբարկուն Անգլիայում անցել է բուժզննման առաջին մասը: Երկրորդ մասը նախատեսված է շաբաթ օրը, և Բալոտելին կարող է երկուշաբթի օրվանից դառնալ «Լիվերպուլ» ակումբի անդամ: Տրանսֆերը գնահատվում է 16 մլն ֆունտ ստեռլինգ:

Պայմանագիրը ստորագրելուց առաջ, ըստ որի՝ Բալոտելին շաբաթական վաստակելու է 80 հազար ֆունտ ստեռլինգ («Միլան» ակումբում նա կրկնակի շատ էր վաստակում), Ռոջերսը ցանկանում է վստահ լինել, որ իտալացու մտադրությունները լուրջ են: «Լիվերպուլ» ակումբի գլխավոր մարզչին հարկավոր է ֆուտբոլիստ, որը ցանկանում է զարգանալ, աշխատել՝ հանուն թիմի բարօրության:

Եթե Բալոտելիի հետ զրույցը հիասթափեցնի Ռոջերսին, ապա «Լիվերպուլը» պահուստային տարբերակ ունի: Ակումբի ներկայացուցիչներն ու բժիշկները ուրբաթ մեկնել են Փարիզ՝ Էտո'ոյի հետ անձնական համաձայնագրի մանրամասները քննարկելու և 33-ամյա քամերունցու ֆիզիկական վիճակը գնահատելու համար: «Լիվերպուլում» և Բալոտելին, և Էտո'ոն միաժամանակ հանդես չեն գա, նշում է թերթը:

Բալոտելին 2010-2013 թթ.-ը հանդես է եկել «Մանչեսթեր Սիթի» ակումբի կազմում՝ հաղթելով Անգլիայի առաջնությունը, Գավաթն ու Սուպերգավաթը:-0-