Հայաստանի ֆուտբոլի հավաքականը ՖԻՖԱ-ի ընթացիկ վարկանիշում բարձրացել է միանգամից հինգ հորիզոնականով՝ զբաղեցնելով 36-րդ տեղը

ԵՐԵՎԱՆ, 14 օգոստոսի. /Նովոստի-Արմենիա/. Հայաստանի ֆուտբոլի հավաքականը 648 միավորով բարձրացել է հինգ հորիզոնականով ՖԻՖԱ-ի ընթացիկ վարկանիշում՝ զբաղեցնելով 36-րդ տեղը, հաղորդում է Ֆուտբոլի միջազգային ֆեդերացիայի պաշտոնական կայքը:

Եվրոպայի 2016թ.-ի առաջնության ընտրական խմբում հայ ֆուտբոլիստների մրցակիցները զբաղեցրել են հետևյալ հորիզոնականները՝ Պորտուգալիա՝ 11-րդ տեղ, Դանիա՝ 26-րդ տեղ, Սերբիա՝ 31, Ալբանիա՝ 70:

ՖԻՖԱ-ի ընթացիկ վարկանիշային աղյուսակի տասնյակը՝

1. Գերմանիա – 1736 միավոր,
2. Արգենտինա – 1604,
3. Նիդեռլանդներ – 1507,
4. Կոլումբիա – 1495,
5. Բելգիա – 1407,
6. Ուրուգվայ – 1316,
7. Իսպանիա – 1241,
8. Բրազիլիա – 1241,
9. Շվեյցարիա – 1218,
10. Ֆրանսիա – 1212:

Դասակարգման աղյուսակն առաջին անգամ կազմվել է 1993թ.-ին, միավորները հաշվարկվում են՝ ելնելով չորս տարվա ընթացքում ազգային թիմերի գրանցած արդյունքներից:

Հայաստանը հայտնվել է առաջին ընտրական խմբում, որտեղ ուժերը կչափի Պորտուգալիայի, Դանիայի, Սերբիայի և Ալբանիայի հավաքականների հետ:

ՖԻՖԱ-ի հաջորդ՝ թարմացված աղյուսակը կհրապարակվի սեպտեմբերի 18-ին:-0-