ՈՒԵՖԱ–ն չորս ակումբի պատժել է ԵԼ և ՉԼ խաղերում երկրպագուների դրսևորած ռասիզմի համար

ԵՐԵՎԱՆ, 5 օգոստոսի. /Նովոստի–Արմենիա/. ՈՒԵՖԱ–ի վերահսկիչ–կարգապահական կոմիտեն միանգամից չորս ակումբի պատժել է Եվրոպայի լիգայի և Չեմպիոնների լիգայի խաղերում նրանց երկրպագուների դրսևորած ռասիզմի համար, ասվում է ՈՒԵՖԱ–ի պաշտոնական կայքում։

Վրացական «Չիխուրա» ակումբին պատժել են ՈՒԵՖԱ–ի հովանու ներքո սեփական դաշտում կայանալիք մեկ խաղի ժամանակ մարզադաշտի մասնակի փակումով։ Նման որոշում է ընդունվել Եվրոպայի լիգայի որակավորման երկրորդ ռաունդում «Բուրսասպորա» թուրքական թիմի հետ խաղում թիմի երկրպագուների վարքի պատճառով, հաղորդում է ՌԻԱ Նովոստին։

Սեփական դաշտի մասնակի փակումով է պատժվել նաև «Ստյաուա» ռումինական ակումբը Չեմպիոնների լիգայի ընտրական ռաունդում նորվեգական «Սթրեմգոդսեթա» թիմի հետ խաղից հետո։

Հյուսիսային Իռլանդիայի «Քլիֆթոնվիլա»–ի հետ խաղում երկրպագուների նույնատիպ վարքի համար սեփական դաշտի` եվրագավաթներում մեկ խաղի ընթացքում մասնակի փակումով է պատժվել հունգարական «Դեբրեցենը»։

Չեմպիոնների լիգայի որակավորման երրորդ ռաունդի «Մարիբորի» և «Զրինսկիի» (Բոսնիա և Հերցեգովինա) միջև խաղի ժամանակ տրիբունաներում ռասիզմի դրսևորման համար պատժվել է սլովենական ակումբը։ «Մարիբորը» պետք է սեփական մարզադաշտում մասնակիորեն մի քանի տրիբունա փակի եվրագավաթների առաջիկա խաղի ժամանակ։ -0-