Շումախերի կինը վաճառում է նրա ինքնաթիռը. ԶԼՄ

ԵՐԵՎԱՆ, 25 հուլիսի. /Նովոստի–Արմենիա/. «Ֆորմուլա–1» առաջնության` 2013 թվականի դեկտեմբերից մինչև այս տարվա հունիսն արհեսատական կոմայում գտնվող յոթակի չեմպիոն Միխայել Շումախերի կինը վաճառում է նրա ինքնաթիռը, հայտնում է «ՌԻԱ Նովոստին»` հղում անելով Bild տաբլոիդին։

Շումախերը գլխի ծանր վնասվածք էր ստացել 2013 թ.-ի դեկտեմբերի 29-ին Ալպերում լեռնադահուկներով սահելիս: Այդ ժամանակից ի վեր նա գտնվում էր արհեստական կոմայում: Ապրիլին նրա վիճակում որոշակի առաջընթաց էր նկատվել: Ինչպես այն ժամանակ տեղեկացրել էր Շումախերի մենեջեր Սաբինա Կեմը, նա լսում էր ձայներն ու արձագանքում էր հպումներին: Հունիսի վերջին հայտարարվել էր, որ 6.5 ամիս անց Շումախերը դուրս է եկել կոմայից և տեղափոխվել Լոզանի կլինիկա Գրենոբլի հիվանդանոցից։ Այնուհետև նրա կինը` Կորիննան ասել էր, որ Շումախերի վիճակն աստիճանաբար լավանում է։

Falcon 2000EX ինքնաթիռը նախատեսված է ութ ուղևորների համար, ինքնաթիռի ֆյուզել++++յաժի վրա գրված են Շումախերի անվան առաջին տառերը։ Ինքնաթիռը վաճառվում է 20 միլիոն եվրոյով, նոր ինքնաթիռի գինը 25 միլիոն եվրո է։

Շումախերը կարող է տուն տեղափոխվել այս ամռան ընթացքում։ Բազելի վերականգնողական կլինիկայի գլխավոր բժիշկ Մարկ Մադերը կարծում է, որ Շումախերի պես հիվանդների համար տանը մնալն «օպտիմալ է», թեև նրան խնամելն ընտանիքի համար հեշտ չի լինի։

Շումախերի տունը Ժնևի լճի ափին է, Լոզանից ոչ հեռու։ -0-