ԵՐԵՎԱՆ, 9 հուլիսի. /Նովոստի–Արմենիա/. Բժշկության Այուրվեդա ավանդական համակարգը կիրառող հնդկացի բժիշկները պատրաստ են սկսել ֆուտբոլիստ Նեյմարի բուժումը։ Հիշեցնենք, որ Բրազիլիայի հավաքականի հարձակվողը վնասվածք էր ստացել Աշխարհի առաջնությունում Կոլումբիայի թիմի հետ խաղի ժամանակ, երեքշաբթի հայտնում է IndiaToday կայքը։
IndiaToday–ի տեղեկացնում է, որ բրազիլացի խաղացողի` Այուրվեդայի հայրենիք Կերալ հնդկական նահանգի ֆուտբոլային ասոցիացիայի երկրպագուները դիմել են տեղական կառավարությանը` խնդրելով վերլուծել, թե ավանդական բժշկությունը կարո՞ղ է արդյոք օգնել Նեյմարին։ Նահանգի գլխավոր նախարար Օօմմեն Չանդին արդեն համապատասխան հարցում է հղել Կերալայի առաջատար այուրվեդական կենտրոնին։
«Մենք արդեն ոչ մեծ զեկույց ենք պատրաստել բուժման արձանագրության մասին` համացանցում Նեյմարի վնասվածքի մասին առկա տվյալների հիման վրա, և կփոխանցենք այն կառավարությանը չորեքշաբթի երեկոյան»,– պատմել է Տրիվանդրումի պետական այուրվեդական քոլեջի տնօրեն Աշոկը, հաղորդում է ՌԻԱ Նովոստին։
Հնդկացի բժիշկների խոսքով` Այուրվեդայի մեթոդները չափազանց արդյունավետ են մեջքի վնասվածքները բուժելու համար, և այուրվեդական կենտրոններ դիմած հիվանդների մեծ մասն արդեն ապաքինվում է։
Նեյմարը վնասվածք է ստացել Բրազիլիայում անցկացվող ֆուտբոլի աշխարհի առաջնության քառորդ եզրափակիչ փուլում կայացած խաղի 87–րդ րոպեին, երբ նրա մեջքին պատահաբար հարվածել էր Կոլումբիայի հավաքականի պաշտպան Խուան Կամիլո Սունյիգան։ Բրազիլացուն պատգարակով հեռացրեցին դաշտից, այնուհետև տեղափոխեցին հիվանդանոց, որտեղ բժիշկներն ախտորոշեցին գոտկատեղի երրորդ ողի կոտրվածք։ Նախնական կանխատեսմամբ, ֆուտբոլիստի առողջությունը վերականգնելու համար չորսից–վեց շաբաթ կպահանջվի։ -0-
