Իսպանիայի հավաքականը պետք է պատվով ընդունի աշխարհի առաջնությունից դուրս մնալու փաստը. Խաբի Ալոնսո

ԵՐԵՎԱՆ, 24 հունիսի. /Նովոստի–Արմենիա/. Իսպանիայի ֆուտբոլի հավաքականը  պետք է աշխարհի առաջնությունն ավարտեր մաժորային նոտայով, և դա հաջողվեց, հայտարարել է կիսապաշտպան Խաբի Ալոնսոն և նշել, որ պետք է պատվով ընդունել աշխարհի առաջնությունից դուրս մնալու փաստը, գրում է ՌԻԱ Նովոստին։

Իսպանիայի հավաքականն աշխարհի առաջնության ելույթներն ավարտել է Ավստրալիայի հավաքականի հետ խաղում ունեցած հաղթանակով (3:0):

«Մենք ուզում էինք Բրազիլիայից մեկնել նվազագույն դառնահամով, և արդյունքում մեզ դա հաջողվեց,– As–ն ներկայացնում է Ալոնսոյի խոսքը։ –Ինչ եղավ, եղավ։ Մենք պետք է պարզապես հնարավորին չափ լավ կեցվածքով ընդունենք կատարվածը։ Պատվով և հպարտությամբ։ Տխուր ենք վերադառնում տուն»։

Ֆուտբոլիստը նաև ընդգծել է. «Իհարկե, մենք լավ հնարավորություններ ունեինք, սակայն մենք չօգտվեցինք դրանցից։ Մեզ համար առաջնությունն ավարտվեց, պետք է մտածենք հաջորդ սեզոնի մասին»։-0-