Արագ շախմատի աշխարհի առաջնության առաջին օրվա արդյունքներով Լևոն Արոնյանն ու Սերգեյ Մովսիսյանը չեն կարողացել առաջատարների դիրքի հասնել

ԵՐԵՎԱՆ, 17 հունիսի. /Նովոստի–Արմենիա/. Դուբայում անցկացվող արագ շախմատի աշխարհի առաջնության մեկնարկային օրից հետո ռուս շախմատիստներ Յան Նեպոմնյաշին և Սերգեյ Կարյակինը, ինչպես նաև իտալացի Ֆաբիանո Կարուանան կիսում են առաջատարի դիրքը, հաղորդում է ՌԻԱ Նովոստին։

Գրոսմայստերներն առաջին հինգ տուրերում չորսական հաղթանակ են տարել և մեկական ոչ–ոքի` հավաքելով 4.5–ական միավորներ։

Կես միավորով հետ են ֆրանսիացիներ Մաքսիմ Վաշիե Լագրավը և Լորան Ֆրեսինեն, նորվեգացի Մագնուս Կարլսենը, վիետնամացի Լե Կուենգ Լիեմը և հայ Սերգեյ Մովսիսյանը։ 3.5–ական միավորներ ունեցող մասնակիցների թվում են, մասնավորապես, հնդիկ Վիշվանաթան Անանդը, հայ Լևոն Արոնյանը, ռուսներ Պյոտր Սվիդլերը, Ալեքսանդր Գրիշչուկը և Ալեքսանդր Մորոզևիչը, հունգարուհի Յուդիթ Պոլգարը։

Շվեյցարական 15–տուրանոց մրցաշարի հաղթողը կորոշվի հունիսի 18–ին։ -0-