ԵՐԵՎԱՆ, 29 մայիսի. /Նովոստի–Արմենիա/. Երկրորդ միջին քաշային կարգում WBO վարկածով աշխարհի չեմպիոն, Գերմանիան ներկայացնող հայ բռնցքամարտիկ Արթուր Աբրահամը կմասնակցի «Mix Battle Fest-2014» առաջին փառատոնին, որը կանցկացվի Երևանում մայիսի 31–ին Հայաստանի խուլերի միավորման մշակույթի և սպորտի պալատում։
«Mix Battle Fest-2014» առողջ կենսակերպի առաջին բացառիկ փառատոնը միավորել է մարզական այնպիսի ուղղություններ, ինչպես Street Workout, freerunning, capoeira, gymnastics,wrestling.breakdance։
Փառատոնը հնարավորություն է ընձեռում մասնակցել մարզական ժամանցային շոու ծրագրերի և բաթլների, ինչպես նաև հանդիպել անվանի հյուրերի հետ, որոնց թվում են, բացի Աբրահամից, «Street Workout» միջազգային կազմակերպության ղեկավար Դենիս Մինինը և սուպեր-միջին քաշում Հայաստանի և Գերմանիայի բռնցքամարտի աշխարհի գործող չեմպիոն Արթուր Աբրահամը, Հայաստանի բազկամարտի ֆեդերացիայի նախագահ Արտավազդ Նալբանդյանը, Գինեսի ռեկորդների եռակի ռեկորդակիր Դավիթ Ֆահրադյանը։
Արթուր Աբրահամը կլինի պատվավոր ժյուրիի անդամ, որը կոչված է որոշել առավել վառ մարզիկներին։
Նա հայտնեց նաև, որ հայ մեկ այլ մարզիկ, հայտնի ֆուտբոլիստ, Մոսկվայի «Սպարտակի» հարձակվող Յուրա Մովսիսյանը մասնակցել է փառատոնի տեսահրավերի տեսագրությանը, որը շուտով հասանելի կլինի դիտման համար։
«Ցավոք, Մովսիսյանը չի կարող ներկա լինել փառատոնին, բայց մենք հույս ունենք տեսնել նրան հաջորդ փառատոներին»,– ավելացրեց Հակոբյանը։
Ավելի վաղ ասվում էր, որ փառատոնին կմասնակցի Եվրոպայի եռակի չեմպիոն, Լոնդոնի օլիմպիադայի և 2010 թվականի աշխարհի առաջնության արծաթե մեդալակիր, ըմբիշ Արսեն Ջուլֆալակյանը։ Սակայն նա չի կարողանա ներկա լինել միջոցառմանը, քանի որ այժմ Իտալիայում է, որտեղ մասնակցում է մայիսի 29–ից 31–ն ազատ և հունահռոմեական ոճի ըմբշամարտի միջազգային մրցաշարին։
«Street Workout & Streetlifting Federation in Armenia» հասարակական ոչ առևտրային կազմակերպությունը զբաղվում է ուժային բակային մարզումների և առողջ կենսակերպի տարածմամբ։ Կազմակերպության նպատակն է` զարգանալով ֆիզիկական և մտավոր առումով` ստեղծել ուժեղ և խելացի երիտասարդություն` առանց ալկոհոլի և թմրանյութի։ -0-
