Կլոպ. «Ռեալն» ուժեղ խաղացողներ ունի, բայց մենք Մխիթարյան ունենք

ԵՐԵՎԱՆ, 2 ապրիլի. /Նովոստի–Արմենիա/. Դորտմունդի «Բորուսիայի» գլխավոր մարզիչ Յուրգեն Կլոպը հույս ունի, որ իր թիմը հաջող կխաղա Մադրիդի «Ռեալի» հետ Չեմպիոնների լիգայի քառորդ եզրափակչի շրջանակում։

Գերմանացի մասնագետը նշել է, որ իր թիմում էլ բարձրակարգ խաղացողներ կան։

«Մենք երբեք չենք դժգոհում։ Իհարկե, «Ռեալի» կազմում շատ ուժեղ ֆուտբոլիստներ կան, բայց մենք էլ ձեռք ենք բերել Հենրիկ Մխիթարյանին և մյուսներին»,– Կլոպի խոսքն է մեջբերում Чемпионат.com–ը` հղում անելով իսպանական մամուլին։

Գերմանական թիմի մարզչի խոսքով, Մխիթարյանը, Օբամեյանգը և Պապաստատոպուլոսը լավ ներգրավվել են «Բորուսիայի» կազմում։

«Նրանք միանշանակ հզորացրել են մեր թիմը։ Ես կրկնում եմ, որ մենք չենք դժգոհում և «Ռեալի» հետ խաղում կանենք այն, ինչ կարող ենք»,– ավելացրել է Կլոպը։ -0-