Հավակնորդների շախմատային մրցաշարի չորրորդ տուրում Արոնյանը հաղթել է Սվիդլերին

ԵՐԵՎԱՆ, 17 մարտի. /Նովոստի–Արմենիա/. Խանտի–Մանսիյսկում անցկացվող հավակնորդների չորրորդ տուրում հայ գրոսմայստեր Լևոն Արոնյանը սպիտակներով հաղթել է Ռուսաստանի ներկայացուցիչ Պյոտր Սվիդլերին։

Վիշվանաթան Անանդ (Հնդկաստան) – Վլադիմիր Կրամնիկ (Ռուսաստան), Սերգեյ Կարյակին (Ռուսաստան) – Վեսելին Տոպալով (Բուլղարիա) պարտիաներն ավարտվել են ոչ–ոքի։ Ադրբեջանցի Շախրիյար Մամեդյարովը հաղթանակ է տարել ռուս Դմիտրի Անդրեյկինի նկատմամբ։

Չորս տուրից հետո երեք միավորով առաջատար է Անանդը։ Ակտիվում 2.5–ական միավորներ ունեն Կրամնիկն ու Արոնյանը։ Տոպալովն ու Սվիդլերը հավաքել են երկու միավոր, Կարյակինը և Մամեդյարովը` 1.5։ Անդրերյկինն ունի մեկ միավոր։
 
Երեքշաբթի հինգերորդ տուրում Արոնյանը սևերով կխաղա Կրամնիկի հետ։ -0-