«Զենիթ» ֆուտբոլային ակումբը հեռացրել է Լուչանո Սպալետտիին, թիմը կմարզի Սերգեյ Սեմակը

ԵՐԵՎԱՆ, 11 մարտի. /Նովոստի–Արմենիա/. Պետերբուրգյան «Զենիթ» ակումբի գլխավոր մարզիչ Լուչանո Սպալետտին ազատվել է իր պարտականություններից, թիմի գլխավոր մարզչի ժամանակավոր պաշտոնակատար է նշանակվել Սերգեյ Սեմակը, «Р-Спорт» գործակալությանն են հայտնել ակումբից։

2014 թվականին «Զենիթը» երկու պաշտոնական խաղ է ունեցել, երկուսն էլ` սեփական հարկի տակ։ Առաջին խաղում Դորտմունդի «Բորուսիային» պարտվել է 2։4 հաշվով, երկրորդ խաղում ֆուտբոլիստները ոչ մի գնդակ չեն կարողացել գլորել «Տոմի» դարպասը, խաղն ավարտվել է 0։0 հաշվով։

«Սպալետտին ազատելու որոշումն ընդունվել է երկուշաբթի, ինչից հետո երեկոյան որոշել են, որ պարտականությունների կատարման լավագույն թեկնածուն Սերգեյ Սեմակն է։ Երեքշաբթի մարզումների ժամանակ Սեմակին կներկայացնեն թիմին, և նրա առաջնախաղը կլինի ԲԿՄԱ–ի հետ խաղը մարտի 15-ին»,– ասել է գործակալության զրուցակիցը։

Ինչպես հայտնում է ՌԻԱ Նովոստին, «Զենիթը» առաջիկա շաբաթ օրը Մոսկվայում կխաղա ԲԿՄԱ–ի հետ` Ռուսաստանի առաջնության 21-րդ տուրում «Բորուսիայի» հետ պատասխան հանդիպումը կկայանա մարտի 19-ին։

««Զենիթի» ղեկավարությունը փնտրում է նոր գլխավոր մարզչի, սակայն վերջնական որոշումը կընդունվի 10 օրից ոչ շուտ»,– ասել է զրուցակիցը։-0-