Հայաստանի հավաքականի նոր մարզիչը դեռ չի պատրաստվում հայերեն սովորել

ԵՐԵՎԱՆ, 10 մարտի. /Նովոստի–Արմենիա/. Հայաստանի ֆուտբոլի ազգային հավաքականի նոր մարզիչ Բեռնար Շալանդը դեռ չի պատրաստվում հայերեն սովորել։

«Ժամանակ չկա` առաջնահերթությունը ֆուտբոլն է ու Եվրո-2016 դուրս գալը»,– ասաց Շալանդը` Երևանում կայացած իր առաջին ասուլիսում պատասխանելով «Նովոստի–Արմենիա» գործակալության հարցին։

Նա միաժամանակ հայտնեց, որ հայերենի չիմանալը խնդիրներ չի ստեղծի հավաքականի ղեկավարության հետ։ «Շփումն ինձ համար խնդիր չէ, քանի որ ես խոսում եմ ֆուտբոլի լեզվով... Այլ բան, որ եթե ցանկանամ խոսել անձամբ որևէ խաղացողի հետ, ապա թարգմանչի կարիք կզգացվի»,– ասաց նա։

Շալանդը հայտնեց նաև, որ մայիսին տիկնոջ հետ կտեղափոխվի Երևան։

ՀՖՖ գործադիր կոմիտեն մարտի 10–ին Հայաստանի հավաքականի գլխավոր մարզչի պաշտոնում հաստատել է շվեյցարացի մասնագետ Բեռնար Շալանդին, ով կպատրաստի հավաքականը Եվրո-2016–ի ընտրական փուլին։

Շալանդի հետ պայմանագիրը ստորագրվել է Եվրոպա-2016 թվականի առաջնության ընտրական փուլի ավարտից առաջ, իսկ հավաքականի հաջող խաղի դեպքում այն կերկարացվի։ -0-