ԵՐԵՎԱՆ, 13 փետրվարի. /Նովոստի–Արմենիա/. Ռուսաստանի հոկեյի տղամարդկանց հավաքականը հաղթանակ տարավ Սլովենիայի թիմի նկատմամբ` Սոչիի Օլիմպիական մրցաշարի առաջին խաղում։
«Բոլշոյ» մարզապալատում կայացած հանդիպումն ավարտվեց 5:2 (2:0, 1:2, 2:0) հաշվով` հօգուտ ռուսների, որոնց կազմում դարպաս տափօղակ են ուղարկել Ալեքսանդր Օվեչկինը (2-րդ րոպե), Եվգենի Մալկինը (4-րդ), Իլյա Կովալչուկը (38-րդ), Վալերի Նիչուշկինը (44-րդ) և Անտոն Բելովը (48-րդ). Սլովենացիների կազմում կրկնակի առանձնացավ Ժիգա Յեգլիչը (22-րդ և 39-րդ)։
Մրցաշարային հաջորդ խաղը ռուսական թիմը կանցկացնի փետրվարի 15–ին ԱՄՆ–ի հավաքականի հետ, հայտնում է «ՌԻԱ Նովոստին»։ -0-
