Դահուկորդ Կատյա Գալստյանը 64-րդ տեղն է զբաղեցրել Սոչիի Օլիմպիադայի դահուկավազքի մրցույթում

ԵՐԵՎԱՆ, 13 փետրվարի. /Նովոստի–Արմենիա/. Գյումրեցի 21-ամյա Կատյա Գալստյանը 64-րդ տեղն է զբաղեցրել 75 մասնակիցների թվում Սոչիի Օլիմպիադայի 10 կմ դասական ոճի դահուկավազքի մրցույթում։

Գալստյանը ցույց է տվել 35:26.4 արդյունք` մրցույթի հաղթող լեհ Յուստինա Կովալչուկից (28:17.8) ետ մնալով 7 րոպեից մի փոքր ավելի։

Արծաթե մեդալակիր է դարձել շվեդուհի Շառլոտ Կալան, ով հաղթահարել է 28:36.2–ի ընթացքում, «բրոնզ» է նվաճել նորվեգացի Թերեզա Յոհաուգը (28:46.1)։

Դահուկավազորդներ Սերգեյ Միքայելյանն ու Արթուր Եղոյանը, ովքեր զբաղեցրել էին, համապատասխանաբար, 46–րդ և 63–րդ տեղերը Սոչիի Օլիմպիադայի շրջանակներում անցկացվող սկիատլոնի մրցումների (15 կմ դասական ոճով + 15 կմ ազատ ոճով) 68 մասնակիցների շրջանում, փետրվարի 14 –ին կմասնակցեն 15 կմ դասական ոճի մրցումներին։ Սերգեյ Միքայելյանը փետրվարի 23 –ին հանդես կգա նաև 50 կմ ազատ ոճի  դահուկավազքում:

Իսկ լեռնադահուկորդ Արման Սերեբրակյանը փետրվարի 19 –ին և 22 –ին իր ունակությունները կդրսևորի հաջորդաբար հսկա որոլորավայրէջք և հատուկ ոլորավայրէջք մրցաձևերում:–0–